വടകര റെയില്‍വേ സ്‌റ്റേഷനില്‍ ട്രെയിന്റെ എഞ്ചിനുള്ളില്‍ മയിലിനെ ചത്ത നിലയില്‍ കണ്ടെത്തി.

കോഴിക്കോട്: വടകര റെയില്‍വേ സ്‌റ്റേഷനില്‍ ട്രെയിന്റെ എഞ്ചിനുള്ളില്‍ മയിലിനെ ചത്ത നിലയില്‍ കണ്ടെത്തി. ഒരു ആണ്‍ മയിലിന്റെ ജഡമാണ് ട്രെയിന്റെ എഞ്ചിനുള്ളില്‍ നിന്ന് കണ്ടെത്തിയത്.

ഇന്ന് രാവിലെയായിരുന്നു സംഭവം. മംഗലാപുരം മെയില്‍ വടകര റെയില്‍വേ സ്റ്റേഷനില്‍

എത്തിയപ്പോള്‍ യാത്രക്കാരാണ് മയിലിനെ എൻജിനുള്ളില്‍ കുടുങ്ങിയ നിലയില്‍ കണ്ടത്.

തുടർന്ന് വിവരം ബന്ധപ്പെട്ട അധികൃതരെ അറിയിക്കുകയായിരുന്നു. ലോക്കോ പൈലറ്റ് തന്നെ പുറത്തിറങ്ങി എൻജിൻ പരിശോധിച്ചപ്പോഴാണ് ചത്ത മയിലിനെ കണ്ടെത്തുന്നത്. കൊയിലാണ്ടി

ഭാഗത്ത് വെച്ചാകാം മയില്‍ എഞ്ചിനുള്ളില്‍ കുടുങ്ങിയതെന്നാണ് ഉദ്യോഗസ്ഥൻ പറഞ്ഞത്.