തിരുവനന്തപുരം: അനധികൃത സ്വത്ത് സമ്പാദന കേസില് മുൻമന്ത്രി വി എസ് ശിവകുമാറിന് ക്ലീൻ ചിറ്റ്.
പക്ഷേ ശിവകുമാറിന്റെ ഡ്രൈവറും സുഹൃത്തും വരവില് കവിഞ്ഞ സ്വത്ത് സമ്പാദിച്ചെന്നാണ് വിജിലന്സിന്റെ കണ്ടെത്തല്. ഡ്രൈവറെ പ്രോസിക്യൂട്ട് ചെയ്യാനുള്ള അനുമതി തേടി. ഇവര്ക്കെതിരെ ആദായനികുതി വകുപ്പിന്റെ അന്വേഷണം ശുപാര്ശ ചെയ്ത് സര്ക്കാരിന് വിജിലന്സ് റിപ്പോര്ട്ട് നല്കി.
ഉമ്മൻചാണ്ടി സർക്കാരില് ആരോഗ്യമന്ത്രിയായിരുന്ന കാലഘട്ടത്തില് വിഎസ് ശിവകുമാർ നേരിട്ടും ബിനാമികള് വഴിയും വരവില് കവിഞ്ഞ സ്വത്ത് സമ്പാദിച്ചെന്നായിരുന്നു കേസ്. എന്നാല് കേസില് ഒന്നാം പ്രതിയായ ശിവകുമാറിന് അനധികൃതസ്വത്തില്ലെന്നാണ് കണ്ടെത്തല്.
Whatsapp Group 1 | Whatsapp Group 2 |Telegram Group
മന്ത്രിയായിരുന്നപ്പോഴുള്ള വരുമാനത്തിന് അനുസരിച്ചള്ള സ്വത്തേ ഉള്ളൂ. പക്ഷേ ശിവകുമാറിന് നല്കിയ ക്ലീൻ ചിറ്റ് ഒപ്പമുള്ളവര്ക്ക് ഇല്ല. ഡ്രൈവറായിരുന്ന ഷൈജു ഹരൻ, അടുപ്പക്കാരായ രാജേന്ദ്രൻ, അഡ്വ ഹരികുമാർ എന്നിവർക്ക് വരവില് കൂടുതല് സ്വത്തുണ്ടായെന്നാണ് കണ്ടെത്തല്.
2011 മെയ് 18 മുതല് 2016 മെയ് 20വരെയുള്ള കാലഘട്ടത്തില് ഓരോരുത്തരും ഉണ്ടാക്കിയ സ്വത്തിനെക്കുറിച്ചാണ് വിജിലൻസ് തിരുവനന്തപുരം റെയ്ഞ്ച് അന്വേഷിച്ചത്.
