തിരുവനന്തപുരം: സംസ്ഥാനത്ത് ചൂട് ശക്തമായതോടെ ജാഗ്രത നിർദേശവുമായി അധികൃതർ. ചൂട് വർധിക്കുന്നതിനനുസരിച്ച് യു വി സൂചികയും ഉയരുകയാണ്. പകൽ സമയങ്ങളിൽ സൂര്യപ്രകാശത്തിന്റെ തീവ്രത കൂടുതലായതിനാൽ പൊതുജനങ്ങൾ മുൻകരുതൽ പാലിക്കണമെന്ന് നിർദേശമുണ്ട്.
സംസ്ഥാനത്ത് ഏറ്റവും ഉയർന്ന യു വി ഇൻഡെക്സ് രേഖപ്പെടുത്തിയത് ഇടുക്കി ജില്ലയിലാണ്. ഇവിടെ യു വി സൂചിക 7 ആയി. കൊല്ലം, പത്തനംതിട്ട, ആലപ്പുഴ, കോട്ടയം, വയനാട് ജില്ലകളിൽ യു വി ഇൻഡെക്സ് 6 ആയി രേഖപ്പെടുത്തി. 6 മുതൽ 7 വരെ യു വി സൂചിക മഞ്ഞ മുന്നറിയിപ്പിൽപ്പെടുന്നു.
പകൽ 10 മുതൽ 3 വരെയാണ് ഉയർന്ന യു വി സൂചിക അനുഭവപ്പെടുന്നത്. ഈ സമയങ്ങളിൽ നേരിട്ട് സൂര്യപ്രകാശം ഏൽക്കുന്നത് ഒഴിവാക്കണം. പുറം ജോലികളിൽ ഏർപ്പെടുന്നവർ, കടൽ-ഉൾനാടൻ മത്സ്യബന്ധന തൊഴിലാളികൾ, ജലഗതാഗത രംഗത്തുള്ളവർ, ബൈക്ക് യാത്രികർ, വിനോദസഞ്ചാരികൾ, കാൻസർ രോഗികൾ, ചർമ്മ-നേത്ര രോഗങ്ങളുള്ളവർ എന്നിവർ പ്രത്യേക ജാഗ്രത പാലിക്കണമെന്ന് അധികൃതർ അറിയിച്ചു.
Whatsapp Group 1 | Whatsapp Group 2 |Telegram Group