നടൻ ശ്രീനിവാസന്റെ വിയോഗം വളരെ അപ്രതീക്ഷിതമെന്നും ഈ വിടവാങ്ങല് ഒട്ടും പ്രതീക്ഷിച്ചില്ലെന്നും നടി ഉര്വശി. താൻ ഏറ്റവും അധികം സ്നേഹിക്കുകയും ബഹുമാനിക്കുകയും ചെയ്യുന്ന വ്യക്തിയാണ് ശ്രീനിവാസൻ എന്നും മരണവാര്ത്ത അറിഞ്ഞപ്പോള് എന്താണ് പറയേണ്ടതെന്ന് അറിയാത്ത അത്രയും വേദനയാണെന്നും നടി പറഞ്ഞു.
വികാരഭരിതയായ നടിയുടെ വാക്കുകൾ ഇങ്ങനെയായിരുന്നു:-
ശ്രീനിയേട്ടന്റെ കുറെ സിനിമകളില് അഭിനയിച്ചിട്ടുണ്ട്. എപ്പോഴും ഞാൻ നന്നായിരിക്കണമെന്ന് ആഗ്രഹിച്ചിരുന്ന വ്യക്തിയായിരുന്നു അദ്ദേഹം. അതുപോലെ ശ്രീനിയേട്ടന് ആരോഗ്യത്തോടെ ദീര്ഘായുസോടെ ഇരിക്കണമെന്ന് അങ്ങേയറ്റം ഞാനും ആഗ്രഹിച്ചിരുന്നു. ഈ വിടവാങ്ങല് ഒട്ടും പ്രതീക്ഷിച്ചില്ല. ഒരുപാട് കാര്യങ്ങള് മലയാള സിനിമക്ക് സമ്മാനിച്ച പ്രതിഭയാണ് ശ്രീനിവാസൻ.വലിയൊരു കലാകാരനായിരുന്നു അദ്ദേഹം. ഓര്ക്കാൻ ഒരുപാട് കഥകളും കഥാപാത്രങ്ങളും സമ്മാനിച്ചു. എന്റെ സിനിമാ ജീവിതത്തിലെ പ്രധാന കഥാപാത്രങ്ങളെല്ലാം അദ്ദേഹം സമ്മാനിച്ചതാണെന്നും ഒരിക്കലും അദ്ദേഹത്തെ മറക്കാനാകില്ല.
Whatsapp Group 1 | Whatsapp Group 2 |Telegram Group
മലയാളികളെ ചിരിപ്പിക്കുകയും ചിന്തിപ്പിക്കുകയും ചെയ്ത പ്രതിഭയാണ് ശ്രീനിവാസൻ ഇരുന്നൂറിലേറെ സിനിമകളില് അഭിനയിച്ചു. 48 വർഷം നീണ്ട സിനിമാ ജീവിതത്തിനാണ് ഇന്ന് അന്ത്യമായിരിക്കുന്നത്. തൃപ്പൂണിത്തുറ താലൂക്ക് ആശുപത്രിയില് ഇന്ന് രാവിലെയായിരുന്നു ശ്രീനിവാസന്റെ അന്ത്യം. 69 വയസായിരുന്നു. ഏറെ നാളായി രോഗബാധിതനായി ചികിത്സയിലായിരുന്നു. ഡയാലിസിസ് ചെയ്യാൻ ഇന്ന് രാവിലെ വീട്ടില് നിന്ന് ഇറങ്ങിയതാണ്. തൃപ്പൂണിത്തുറ എത്തിയപ്പോള് ആരോഗ്യ നില മോശമാവുകയായിരുന്നു.
