സ്വന്തം ലേഖകൻ
കൊച്ചി:ഉര്‍വശി, ഇന്ദ്രൻസ് എന്നിവരെ പ്രധാന കഥാപാത്രങ്ങളാക്കി വണ്ടര്‍ഫ്രെയിംസ് ഫിലിംലാൻഡിന്റെ ബാനറില്‍ ബൈജു ചെല്ലമ്മ, സാഗര്‍, സനിത ശശിധരൻ എന്നിവര്‍ ചേര്‍ന്ന് നിര്‍മ്മിക്കുന്ന ചിത്രം ‘ജലധാര പമ്ബ് സെറ്റ് സിൻസ് 1962’ നാളെ തിയറ്റുകളില്‍ എത്തുന്നു.വണ്ടര്‍ഫ്രെയിംസ് ഫിലിംലാൻഡിന്റെ ആദ്യ നിര്‍മ്മാണ സംരംഭമാണിത്.ഇന്ദ്രൻസ്, ഉര്‍വശി എന്നിവര്‍ കേന്ദ്ര കഥാപാത്രങ്ങളായി എത്തുന്ന ചിത്രം ആഷിഷ് ചിന്നപ്പയാണ് സംവിധാനം നിര്‍വഹിക്കുന്നത്.
ആക്ഷേപഹാസ്യ ഗണത്തില്‍ വരുന്ന ചിത്രമാണ് ജലധാര പമ്ബ്സെറ്റ് സിൻസ് 1962.കഴിഞ്ഞ ദിവസം പുറത്തിറങ്ങിയ ട്രെയിലറില്‍ തന്നെ ചിരിയുണര്‍ത്തുന്ന നിരവധി രംഗങ്ങളുണ്ട്. കോര്‍ട്ട് റൂം ആക്ഷേപഹാസ്യമാണ് ചിത്രത്തിൻ്റെ പ്രമേയം.ദിലീപ്, ഇന്ദ്രജിത്ത്, ആസിഫ് അലി, ആന്റണി വര്‍ഗീസ്, ലാല്‍ ജോസ്, സുരാജ് വെഞ്ഞാറമ്മൂട്, ധ്യാൻ ശ്രീനിവാസൻ തുടങ്ങി മലയാളത്തിലെ ഒട്ടുമിക്ക പ്രമുഖ സെലിബ്രിറ്റി പേജുകളിലൂടെ ട്രെയിലര്‍ പ്രേക്ഷകരിലേക്ക് എത്തിയത്.
Whatsapp Group 1 | Whatsapp Group 2 |Telegram Group
സാഗര്‍, ജോണി ആൻ്റണി, ടി ജി രവി, വിജയരാഘവൻ, അല്‍ത്താഫ്, ജയൻ ചേര്‍ത്തല, ശിവജി ഗുരുവായൂര്‍, സജി ചെറുകയില്‍, കലാഭവൻ ഹനീഫ്, തങ്കച്ചൻ വിതുര, വിഷ്ണു ഗോവിന്ദൻ, സനുഷ, നിഷ സാരംഗ്, അഞ്ജലി സുനില്‍കുമാര്‍, സ്നേഹ ബാബു, ഷൈലജ അമ്ബു, നിത കര്‍മ്മ തുടങ്ങിയവരും അഭിനയിക്കുന്ന ജലധാര പമ്ബ്സെറ്റ് സിൻസ് 1962 എന്ന ചിത്രത്തിന്റെ ഷൂട്ടിംഗ് നടന്നത് പാലക്കാടാണ്. പ്രജിൻ എം പി, ആഷിഷ് ചിന്നപ്പ എന്നിവര്‍ തിരക്കഥ ഒരുക്കിയിരിക്കുന്ന ചിത്രത്തിന്റെ കഥ സനു കെ ചന്ദ്രന്റേതാണ്.സജിത്ത് പുരുഷൻ ഛായാഗ്രഹണവും കൈലാസ് സംഗീതസംവിധാനവും പശ്ചാത്തല സംഗീതവും നിര്‍വഹിക്കുന്നു.
എഡിറ്റര്‍ – രതിൻ രാധാകൃഷ്ണൻ, ആര്‍ട്ട് – ദിലീപ് നാഥ്, പ്രൊഡക്ഷൻ കണ്‍ട്രോളര്‍ – ബിജു കെ തോമസ്, മേക്കപ്പ് – സിനൂപ് രാജ്, ഗാനരചന – ബി കെ ഹരിനാരായണൻ, മനു മഞ്ജിത്ത്, കോസ്റ്റ്യൂം – അരുണ്‍ മനോഹര്‍, സൗണ്ട് ഡിസൈൻ – ധനുഷ് നായനാര്‍, ഓഡിയോഗ്രാഫി – വിപിൻ നായര്‍, ചീഫ് അസ്സോസിയേറ്റ് ഡയറക്ടര്‍ – രാജേഷ് അടൂര്‍, കാസ്റ്റിംഗ് ഡയറക്ടര്‍ – ജോഷി മേടയില്‍, കൊറിയോഗ്രാഫി – സ്പ്രിംഗ് , വി എഫ് എക്‌സ് – ശബരീഷ് (ലൈവ് ആക്ഷൻ സ്റ്റുഡിയോസ്), പി ആര്‍ ഒ – ഏ എസ് ദിനേഷ്, ആതിര ദില്‍ജിത്ത്, ട്രെയിലര്‍ കട്ട് – ഫിൻ ജോര്‍ജ് വര്‍ഗീസ്, സ്റ്റില്‍ – നൗഷാദ് കണ്ണൂര്‍, ഡിസൈൻ – മാ മി ജോ, ഡിജിറ്റല്‍ മാര്‍ക്കറ്റിംഗ് – അനൂപ് സുന്ദരൻ.
