ദൈനം ദിന പണമിടപാടുകള്‍ക്കായി വലിയൊരു വിഭാഗം ആളുകളും ഇന്ന് യുപിഐ ആപ്പുകളെയാണ് ആശ്രയിക്കുന്നത്. എന്നാല്‍ ചിലപ്പോഴൊക്കെ ധൃതിയില്‍ പണം അയക്കുമ്പോൾ യുപിഐ ഐഡിയോ അക്കൗണ്ട് നമ്പറോ തെറ്റി പോകാന്‍ സാധ്യതയുണ്ട്.
എന്നാൽ ഇനി ഇത്തരത്തിലുള്ള അബദ്ധങ്ങൾ പറ്റിയാൽ പേടിക്കേണ്ട. ഇതുപോലുള്ള സന്ദര്‍ഭങ്ങളില്‍ ഇനി ഇത്തരത്തിലുള്ള പണമിടപാട് പിഴവുകൾ സംഭവിച്ചാലും ഭയപ്പെടേണ്ടതില്ല. ശരിയായ നടപടികൾ സ്വീകരിച്ചാൽ പണം തിരികെ ലഭിക്കാനുള്ള സാധ്യതയുണ്ട്. അതിനായി ആദ്യം ചെയ്യേണ്ടത് തെളിവുകൾ സൂക്ഷിക്കലാണ്. പേയ്മെന്റ് രസീത് അല്ലെങ്കിൽ സ്ക്രീൻഷോട്ട് എടുത്ത് വയ്ക്കുക. ട്രാൻസാക്ഷൻ ഐഡി, യുടിആര്‍ നമ്പർ, തീയതി, തുക തുടങ്ങിയ വിവരങ്ങളും കുറിച്ചു സൂക്ഷിക്കുക. അതുപോലെതന്നെ ഏറെ പ്രധാനപ്പെട്ടതാണ് കസ്റ്റമെര്‍ കെയര്‍ നമ്പറുകൾ അറിഞ്ഞിരിക്കുക എന്നത്.
ഗൂഗിള്‍ പേ- 1800-419-0157, ഫോണ്‍ പേ – 080-68727374/ 022-68727374 , പേടിഎം- 0120 -4456-456 . കസ്റ്റമര്‍ പേയ്മെന്റ് ആപ്പുകളുടെ സഹായ വിഭാഗവുമായി എത്രയും പെട്ടെന്ന് ബന്ധപ്പെട്ട് നിങ്ങളുടെ പരാതി വിശദീകരിച്ച് എല്ലാ ട്രാന്‍സാക്ഷന്‍ വിവരങ്ങളും പങ്കിടുക.
പരിശോധന പൂര്‍ത്തിയായാല്‍ സപ്പോര്‍ട്ട് ടീം npci റിവേഴ്സല്‍ ആവശ്യപ്പെടും. നിങ്ങള്‍ നല്‍കിയ തെളിവുകള്‍ വ്യക്തവും ശരിയുമാണെങ്കില്‍ തുക തിരികെ ലഭിക്കുന്നതായിരിക്കും.
Whatsapp Group 1 | Whatsapp Group 2 |Telegram Group