കർക്കടകവാവ് ബലിതർപ്പണത്തിനൊരുങ്ങി ലണ്ടനിലെ കെന്റ് അയ്യപ്പക്ഷേത്രം; പിതൃപൂജകൾക്കും ബലിതർപ്പണത്തിനും ഒരുക്കങ്ങൾ പൂർത്തിയായി

ലണ്ടൻ: ലണ്ടനിലെ കെന്റ് അയ്യപ്പക്ഷേത്രത്തിൽ ഈ വർഷത്തെ കർക്കിടക വാവ് ( ജൂലൈ 24 ) ബലിതർപ്പണത്തിന് ഒരുക്കങ്ങൾ പൂർത്തിയായി. ഹൈന്ദവ വിശ്വാസപ്രകാരം ഏറെ പ്രധാന്യമുള്ള മാസമാണ് രാമായണ മാസം.

ഈ മാസത്തിൽ പൂർവ്വികർക്ക് അമാവാസി ദിവസം ചെയ്യുന്ന ശ്രാദ്ധകർമ്മം അഥവാ കർക്കിടക വാവുബലിയും പ്രാധാന്യം നിറഞ്ഞതാണ്. മൺമറഞ്ഞുപോയ പിതൃക്കൾക്കു വേണ്ടി ജീവിച്ചിരിക്കുന്ന മക്കളോ ബന്ധുമിത്രാദികളോ ചെയ്യുന്ന കർമ്മമാണ് ബലിയിടൽ .

ഈ ദിവസം ബലിയിട്ടാൽ പിതൃക്കൾക്ക് ആത്മശാന്തി ലഭിക്കുമെന്നാണ് വിശ്വാസം. രാവിലെ 11.30 മുതൽ ഉച്ച കഴിഞ്ഞ് 3 വരെ കെൻ്റിലെ റോച്ചസ്റ്റർ റിവർ മെഡ് വേയിൽ ബലിതർപ്പണ ചടങ്ങുകളും പിതൃപൂജകളും നടക്കുന്നത്.