മുംബൈ: അണ്ടർ–19 ലോകകപ്പിൽ ചരിത്ര വിജയം സ്വന്തമാക്കിയ ഇന്ത്യൻ ടീമിന് അഭിനന്ദന പ്രവാഹവും വൻ പാരിതോഷികവും. ഫൈനലിൽ ഇംഗ്ലണ്ടിനെ 100 റൺസിന് പരാജയപ്പെടുത്തി കിരീടം നിലനിർത്തിയ ആയുഷ് മാത്രയുടെ നേതൃത്വത്തിലുള്ള ഇന്ത്യൻ സംഘത്തിന് ബിസിസിഐ 7.5 കോടി രൂപ സമ്മാനമായി പ്രഖ്യാപിച്ചു.
ഹരാരെയിൽ നടന്ന ഫൈനലിൽ ടോസ് നേടി ബാറ്റിംഗിന് ഇറങ്ങിയ ഇന്ത്യ നിശ്ചിത ഓവറിൽ 9 വിക്കറ്റ് നഷ്ടത്തിൽ 411 റൺസ് എന്ന കൂറ്റൻ സ്കോർ പടുത്തുയർത്തി. മറുപടിയിൽ ഇംഗ്ലണ്ട് 40.2 ഓവറിൽ 311 റൺസിന് പുറത്തായി.
ഫൈനലിൽ സൂര്യവൻഷി 80 പന്തിൽ 175 റൺസ് അടിച്ചുകൂട്ടി മാൻ ഓഫ് ദ മാച്ചായി. 55 പന്തിൽ സെഞ്ചുറി നേടിയ താരം അണ്ടർ–19 ക്രിക്കറ്റിലെ അതിവേഗ 150 റൺസ് അടക്കമുള്ള റെക്കോർഡുകളും സ്വന്തമാക്കി.
Whatsapp Group 1 | Whatsapp Group 2 |Telegram Group
ടൂർണമെന്റിലുടനീളം അപരാജിതമായി മുന്നേറിയ ഇന്ത്യൻ ടീമിനെ ബിസിസിഐ സെക്രട്ടറി ദേവാജിത് സൈകിയ പ്രശംസിച്ചു. കൂടാതെ വിജയത്തിൽ ആശംസകളുമായി മുന് ക്യാപ്റ്റന് വിരാട് കോലിയും ഇന്ത്യന് ടീം ഗൗതം ഗംഭീറും രംഗത്ത് വന്നു.
