തിരുവനന്തപുരം: യുഡിഎഫിലേക്ക് ഇല്ലെന്ന് കേരള കോണ്‍ഗ്രസ് മാണി വിഭാഗം.
യുഡിഎഫ് പ്രവേശനം ചർച്ചയില്‍ ഇല്ലെന്ന് മന്ത്രി റോഷി അഗസ്റ്റിൻ പറഞ്ഞു. പുകമറ സൃഷ്ടിക്കാൻ മാത്രമാണ് യുഡിഎഫ് ശ്രമം. പരാജയ ഭീതി മൂലമാണ് യുഡിഎഫ് വ്യാജ പ്രചരണം നടത്തുന്നത്.
കെ. എം മാണിയോട് ചെയ്തതിനുള്ള തിരിച്ചടിയാണ് കോണ്‍ഗ്രസ് നേരിടുന്നത്.
എല്‍ഡിഎഫില്‍ പൂർണ തൃപ്തിയുണ്ടെന്നും റോഷി കൂട്ടിച്ചേര്‍ത്തു.
Whatsapp Group 1 | Whatsapp Group 2 |Telegram Group
ചർച്ച നടത്തിയെന്ന യുഡിഎഫ് കണ്‍വീനർ അടൂർ പ്രകാശിൻ്റെ വാദം തള്ളിയാണ് റോഷി അഗസ്റ്റിൻ്റെ പ്രതികരണം. ഞങ്ങള്‍ ഉന്നയക്കുന്ന എല്ലാ വിഷയങ്ങളും പരിഹരിക്കപ്പെടുന്നുണ്ട്. ഭിന്നശേഷി നിയമനത്തില്‍ അടക്കം ഉന്നയിച്ച ആവശ്യങ്ങള്‍ പരിഹരിക്കപ്പെട്ടു.
എല്‍ഡിഎഫ് മുന്നണിയെ ബലപ്പെടുത്തുകയാണ് ലക്ഷ്യം. വഴിവക്കില്‍ നിന്ന കേരള കോണ്‍ഗ്രസിനെ സ്വീകരിച്ചത് മുഖ്യമന്ത്രിയും എല്‍ഡിഎഫുമാണ്. ആ മുന്നണിയോട് നന്ദികേട് കാണിക്കില്ല. അതാണ് കേരള കോണ്‍ഗ്രസിൻ്റെ പാരമ്പര്യമെന്നും മന്ത്രി വ്യക്തമാക്കി.
