സുഹൃത്തിന്റെ വീട്ടിൽ വിരുന്നെത്തിയ രണ്ട് പെൺകുട്ടികളെ പുഴയിലെ ഒഴുക്കിൽപെട്ട് കാണാതായി; ഫയർ ഫോഴ്സ് സംഘവും നാട്ടുകാരും തെരച്ചിൽ നടത്തുന്നു

ഇരിട്ടി: വിവാഹമുറപ്പിച്ച സുഹൃത്തിന്റെ വീട്ടിൽ വിരുന്നെത്തിയ രണ്ട് കോളേജ് വിദ്യാർത്ഥിനികളെ പുഴയിൽ ഒഴുക്കിൽപെട്ട് കാണാതായി.

ഇരിട്ടിക്കടുത്ത പടിയൂർ പൂവംകടവിലാണ് സംഭവം. ഇരിക്കൂർ കല്യാട് സിബ്ഗ കോളേജിലെ വിദ്യാർത്ഥിനികളായ സൂര്യ, ശഹർബാന എന്നിവരാണ് ഒഴുക്കിൽപെട്ടത്.

പുഴക്കരയിൽ കാഴ്ചകാണാനെത്തിയപ്പോൾ ഒരാൾ കാൽവഴുതി പുഴയിൽ വീഴുകയായിരുന്നു. രക്ഷിക്കാൻ ശ്രമിക്കുന്നതിനിടെയാണ് രണ്ടാമത്തെയാളും ഒഴുക്കിൽപെട്ടത്. ഇന്ന് ​വൈകീട്ട് അഞ്ച് മണി​യോടെയാണ് അപകടം.

ഇരിട്ടിയിൽ നിന്നുള്ള ഫയർ ഫോഴ്സ് സംഘവും നാട്ടുകാരും പരിശോധന നടത്തുകയാണ്. ഇരിക്കൂർ പോലീസും സഥലത്തെത്തിയിട്ടുണ്ട്.