കാനഡയിൽ ബോട്ടപകടം; രണ്ട് മലയാളികൾ മരിച്ചു; അങ്കമാലി സ്വദേശി ജിയോ പൈലിയും കളമശ്ശേരി സ്വദേശി കെവിൻ ഷാജിയുമാണ് മരിച്ചത്

സ്വന്തം ലേഖകൻ

കാനഡ: കാനഡയിലെ ആൽബർട്ടയിൽ കാൻമോർ സ്പ്രേ തടാകത്തിലെ റിസർവോയറിൽ ഉണ്ടായ ബോട്ടപകടത്തിൽ 2 മലയാളികൾ മരിച്ചു. അങ്കമാലി സ്വദേശി ജിയോ പൈലി, കളമശ്ശേരി സ്വദേശി കെവിൻ ഷാജി എന്നിവരാണ് മരിച്ചത്.

തൃശൂർ സ്വദേശി ജിജോ ജോഷിയെ രക്ഷപ്പെടുത്തി. ഞായറാഴ്ചയാണ് സംഭവമുണ്ടായത്. നാല് പേരാണ് ബോട്ടിലുണ്ടായിരുന്നത്. വിനോദത്തിനായി ബോട്ട് യാത്ര പുറപ്പെട്ട സംഘമാണ് അ‌പകടത്തിൽപ്പെട്ടത്.

കാലാവസ്ഥ മോശമായതിനെത്തുടർന്ന് ശക്തമായ കാറ്റ് വീശിയതാണ് അ‌പകടകാരണം. കാലാവസ്ഥ മോശമാണെന്ന് മനസിലാക്കിയതിനെത്തുടർന്ന് ഈ സംഘം യാത്ര മതിയാക്കി തിരികെ വരാൻ ശ്രമിക്കുന്നതിനിടെയാണ് ബോട്ട് മറിഞ്ഞത്.