തലസ്ഥാനത്ത് സ്വകാര്യ ബാറില്‍ ഗുണ്ടാ ആക്രമണം; മാരകായുധങ്ങളുമായെത്തിയ സംഘം ഉപഭോക്താക്കളെ ഭീഷണിപ്പെടുത്തി പണം തട്ടി; രണ്ട് പേര്‍ പിടിയില്‍

തിരുവനന്തപുരം: ആറ്റിങ്ങല്‍ സ്വകാര്യ ബാറില്‍ ഗുണ്ടാ ആക്രമണം ഉണ്ടായി.

സംഭവത്തില്‍ ആറംഗ സംഘത്തിലെ രണ്ടുപേരെ പിടികൂടി.
മാരകായുധങ്ങളുമായെത്തിയ ആക്രമികള്‍ ഉപഭോക്താക്കളെ ഭീഷണിപ്പെടുത്തി പണം തട്ടി.

കൂടാതെ ഗുണ്ടാ സംഘം ബാറിലെത്തിയ ആളുകളെ വിരട്ടിയോടിക്കുകയും ചെയ്തു. കഴിഞ്ഞദിവസം രാത്രിയാണ് മാരകായുധങ്ങളുമായി ആറംഗ സംഘം സ്വകാര്യ ബാറിലെത്തി ഭീകരത സൃഷ്ടിച്ചത്.

അക്രമണം നടത്തിയ സംഘത്തിലെ രണ്ട് പേര്‍ ആറ്റിങ്ങല്‍ പൊലീസിന്റെ പിടിയിലായിട്ടുണ്ട്.