മാനസിക വെല്ലുവിളി നേരിടുന്ന വൃദ്ധനെ മർദിച്ച സംഭവം; പ്രതി അറസ്റ്റിൽ

സ്വന്തം ലേഖകൻ

തിരുവനന്തപുരം: മാനസിക വെല്ലുവിളി നേരിടുന്ന വൃദ്ധനെ മർദിച്ച സംഭവത്തിൽ പ്രതി അറസ്റ്റിൽ. ഓട്ടോ ഡ്രൈവറായ പെരുങ്കൂർ സ്വദേശി വാഹിദിനെയാണ് വട്ടപ്പാറ പോലീസ് അറസ്റ്റ് ചെയ്തത്.

ദേവന്‍ എന്നയാള്‍ക്കാണ് മര്‍ദനമേറ്റത്. കന്യാകുളങ്ങര മുസ്ലിം ജമാഅത്തിന് മുൻവശത്തുവെച്ച് ചൊവ്വാഴ്ചയായിരുന്നു സംഭവം.

ദേവനെ മര്‍ദിക്കുന്ന ദൃശ്യങ്ങള്‍ സമൂഹമാധ്യമങ്ങളില്‍ പ്രചരിച്ചതോടെയാണ് വിവരം പുറംലോകമറിയുന്നത്. ഇതോടെ സംഭവത്തില്‍ വട്ടപ്പാറ പോലീസ് കേസെടുത്തു.

മര്‍ദിക്കാനുള്ള കാരണം വ്യക്തമല്ല. സംഭവത്തില്‍ വൃദ്ധന്റെ സഹോദരന്റെ മൊഴി പോലീസ് രേഖപ്പെടുത്തിയിട്ടുണ്ട്.