ഓണാഘോഷ പരിപാടികൾ കണ്ട് വീട്ടിലേക്ക് മടങ്ങിയ വയോധികൻ ബൈക്ക് ഇടിച്ച് മരിച്ചു

തിരുവനന്തപുരം :  ബൈക്ക് അപകടത്തിൽ മധ്യവയസ്കന് ദാരുണാന്ത്യം. ആഴാകുളം ചിറ്റാഴാകുളം മേലെ ചാനൽക്കര വീട്ടിൽ ബാബു (59) ആണ് മരിച്ചത്.

തിരുവോണ ദിവസം രാത്രിയായിരുന്നു സംഭവം. ഓണാഘോഷ പരിപാടികൾ കണ്ട് വീട്ടിലേക്ക് നടന്നുപോവുകയായിരുന്ന ബാബുവിനെ ബൈക്കിടിച്ച് തെറിപ്പിക്കുകയായിരുന്നു.

നാട്ടുകാർ ഉടനെ ഇദ്ദേഹത്തെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

ഭാര്യ: ഷൈനി.മക്കൾ: നിമിഷ ബാബു, നിഖിൽ ബാബു. മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകി.