തിരുവനന്തപുരം ജനറൽ ആശുപത്രിയിലെ ചികിത്സാ പിഴവ് : ‘ഗൈഡ് വയർ പുറത്തെടുക്കുന്നത് റിസ്ക് ‘, സർജറിക്കിടെ രക്തക്കുഴൽ പൊട്ടാൻ സാധ്യത ; ഇക്കാര്യം യുവതിയെ ബോധ്യപ്പെടുത്തുമെന്ന് അധികൃതർ

തിരുവനന്തപുരം: തിരുവനന്തപുരം ജനറൽ ആശുപത്രിയിലെ ചികിത്സ പിഴവിനെ തുടർന്ന് യുവതിയുടെ നെഞ്ചിൽ ​ഗൈഡ് വയർ കുടുങ്ങിയ സംഭവത്തിൽ പുതിയ വെളിപ്പെടുത്തലുമായി ആശുപത്രി അധികൃതർ.

വയർ പുറത്തെടുക്കുന്നത് ‘റിസ്ക് ‘ ആണെന്നാണ് വിദ​ഗ്ധരുടെ അഭിപ്രായം. വയർ പുറത്തെടുക്കാതിരിക്കുന്നതാണ് സുരക്ഷിതം. കാരണം സർജറിക്കിടയിൽ രക്തക്കുഴലുകൾ പൊട്ടാൻ സാധ്യതയുണ്ട്.

ഇക്കാര്യം സുമയ്യയെ ബോധ്യപ്പെടുത്തുമെന്നും വിദ​ഗ്ധർ അറിയിച്ചു. പുറത്തെടുക്കണമെന്ന് യുവതി ആവശ്യപ്പെട്ടാൽ റിസ്ക് ബോധ്യപ്പെടുത്താനും തീരുമാനം. ഇന്ന് ചേർന്ന മെഡിക്കൽ ബോർഡ് യോഗത്തിന്റെതാണ് തീരുമാനം.