തിരുവനന്തപുരം :ആറ്റിങ്ങലിൽ കൊറിയർ സ്ഥാപനത്തിന്റെ മറവിൽ കഞ്ചാവ് കച്ചവടം. സംഭവത്തിൽ യുവാവിനെ ആറ്റിങ്ങൽ എക്സൈസ് പിടികൂടി. വഞ്ചിയൂർ വൈദ്യശാലമുക്ക് പണയിൽ വീട്ടിൽ ധീരജ് (25)നെയാണ് എക്സൈസ് അറസ്റ്റ് ചെയ്ത് കേസെടുത്തത്. വഞ്ചിയൂർ വൈദ്യശാലമുക്കിൽ പ്രവർത്തിക്കുന്ന കൊറിയർ സർവീസിൽ നിന്നാണ് 5.250 കിലോ കഞ്ചാവ് പിടിച്ചെടുത്തത്.
ആറ്റിങ്ങൽ എക്സൈസ് സർക്കിൾ ഇൻസ്പെക്ടർ പി.എൽ.ഷിബുവിന്റെ നേതൃത്വത്തിൽ ക്രിസ്മസ് ന്യൂ ഇയർ സ്പെഷ്യൽ ഡ്രൈവുമായി ബന്ധപ്പെട്ട് വഞ്ചിയൂർ ഭാഗങ്ങളിൽ നടത്തിയ പെട്രോളിങ്ങിനിടെ ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് കൊറിയർ സ്ഥാപനം പരിശോധിച്ചത്.
സാധനങ്ങൾക്കിടയിൽ വില്പനയ്ക്കായി സൂക്ഷിച്ചിരുന്ന 5.250 കിലോ കഞ്ചാവും, വിതരണത്തിനായുള്ള സ്കൂട്ടറും, വെയിംഗ് മെഷിനും, രണ്ട് വില കൂടിയ സ്മാർട്ട് ഫോണുകളും ഇവിടെ നിന്ന് കണ്ടെടുത്തു.
Whatsapp Group 1 | Whatsapp Group 2 |Telegram Group
പ്രിവന്റീവ് ഓഫീസർമാരായ ദീപക്, അശോക് കുമാർ, അനിൽകുമാർ, സിവിൽ എക്സൈസ് ഓഫീസർമാരായ അനിരുദ്ധൻ,രാധാകൃഷ്ണ പിള്ള,ഗിരീഷ് കുമാർ,വൈശാഖ്, ഡ്രൈവർ ബിജു എന്നിവർ റെയ്ഡിൽ പങ്കെടുത്തു.
