ഭാര്യക്കൊപ്പം വീട്ടിലെത്തിയ യുവാവിനെ സുഹൃത്ത് വെട്ടിക്കൊന്നു; ഒപ്പം ഉണ്ടായിരുന്ന മറ്റൊരു സുഹൃത്തിനും ആക്രമണത്തിൽ പരിക്ക്; കൊലയിലേക്ക് നയിച്ച കാരണം വ്യക്തമല്ല; ഒളിവിൽ പോയ പ്രതിക്കായി അന്വേഷണം ആരംഭിച്ച് പോലീസ്

തൃശൂർ: തൃശൂർ പെരുമ്പിലാവിൽ യുവാവിനെ വെട്ടിക്കൊന്നു. പെരുമ്പിലാവ് സ്വദേശി അക്ഷയ് (27) ആണ് കൊല്ലപ്പെട്ടത്.

ഗുരുവായൂർ സ്വദേശി ബാദുഷയ്ക്കും വെട്ടേറ്റു. സംഭവത്തിൽ ഇവരുടെ സുഹൃത്ത് ലിഷോയ് ഒളിവിലാണ്. മൂന്നു പേരും ഒട്ടേറെ ക്രിമിനൽ കേസുകളിലെ പ്രതിയാണെന്ന് പൊലീസ് പറയുന്നു.

അക്ഷയ് ഭാര്യയ്ക്കൊപ്പം ലിഷോയിയുടെ വീട്ടിൽ വന്നിരുന്നു. പിന്നീട് എന്താണ് സംഭവിച്ചതെന്ന് വ്യക്തമല്ല. അതേസമയം, കൊലപാതകത്തിൻ്റെ കാരണം അന്വേഷിക്കുകയാണ് പൊലീസ്.