കോതമംഗലത്ത് ആദിവാസി കുടിയില്‍ വീട് കത്തി നശിച്ചു; ആളപായമില്ല 

കോതമംഗലം: കോതമംഗലത്ത് വെള്ളാരം കുത്ത് കുടിയില്‍ ആണ് വീട് കത്തി നശിച്ചത്. തീ പിടിക്കാനുള്ള കാരണം വ്യക്തമായിട്ടില്ല. ശനിയാഴ്ച രാവിലെയാണ് തീ പിടുത്തം ഉണ്ടായത്.

കുട്ടമ്പുഴ പഞ്ചായത്ത് ഏഴാം വാർഡില്‍ വെള്ളാരം കുത്ത് കുടിയില്‍ പുത്തൻപുര ജയൻ-സുജാത ദമ്പതികളുടെ വീടാണ് അഗ്നിക്കിരയായത്.

വീടിനകത്തുണ്ടായിരുന്ന കട്ടില്‍ , അലമാര, വസ്ത്രങ്ങള്‍ അടക്കമുള്ള വീട്ടുപകരണങ്ങള്‍ പൂർണമായും കത്തിനശിച്ചു.

തീ പിടിക്കാനുണ്ടായ കാരണം എന്താണെന്ന് വ്യക്തമല്ല. ഗ്രാമ പഞ്ചായത്ത്, വില്ലേജ് അധികാരികളെ വിവരമറിയിച്ചിട്ടുണ്ട്.

ഫോറസ്റ്റ് ഉദ്യോഗസ്ഥർ സ്ഥല സന്ദർശിച്ചു. കുടുംബത്തിന് നഷ്ട പരിഹാരം ലഭ്യമാക്കാൻ അധികൃതർ നടപടി സ്വീകരിക്കണമെന്ന് വാർഡ് മെമ്പർ ഡെയ്സി ജോയി ആവശ്യപ്പെട്ടു.