ഓടിക്കൊണ്ടിരിക്കുന്ന ട്രെയിനിന്റെ എൻജിനും ബോഗിയും തമ്മില്‍ വേർപെട്ടു ; തൃശ്ശൂർ – ഷൊർണ്ണൂർ റൂട്ടിൽ ട്രെയിനുകൾ വൈകുന്നു

തൃശ്ശൂര്‍: ഓടിക്കൊണ്ടിരിക്കുന്ന ട്രെയിനിന്റെ എൻജിനും ബോഗിയും തമ്മില്‍ വേർപെട്ടു. ചെറുതുരുത്തി വള്ളത്തോള്‍ നഗറിലാണ് സംഭവം.

എറണാകുളം – ടാറ്റാ നഗർ എക്സ്പ്രസ് ട്രെയിനിൻ്റെ എൻജിനാണ് ബോഗില്‍ നിന്ന് വേർപ്പെട്ടത്.

ട്രെയിനിന് വേഗത കുറവായതിനാല്‍ വൻ അപകടം ഒഴിവായി. എൻജിൻ ഘടിപ്പിക്കുന്നതിനുള്ള ശ്രമങ്ങള്‍ തുടങ്ങിയിട്ടുണ്ട്. എന്താണ് ബോഗിയും എഞ്ചിനും വേര്‍പെടാനുണ്ടായ കാരണമെന്ന് വ്യക്തമല്ല. ഇത് സംബന്ധിച്ച്‌ റെയില്‍വെ അന്വേഷണം നടത്തും.

തൃശ്ശൂർ ഷൊർണൂർ റൂട്ടിൽ സർവീസ് നടത്തുന്ന ട്രെയിനുകൾ വൈകും. വന്ദേ ഭാരതടക്കമുള്ള ട്രെയിനുകൾ പിടിച്ചിട്ടിരിക്കുകയാണ്.