കോട്ടയം: കൊടൂരാറിനു കുറുകെയുള്ള റെയിൽപാലത്തിൽ അറ്റകുറ്റപ്പണികൾ നടക്കുന്നതിനാൽ
കോട്ടയം വഴിയുള്ള ട്രെയിൻ ഗതാഗതത്തില്‍ നിയന്ത്രണം ഏർപ്പെടുത്തുമെന്ന് റെയില്‍വേ.
കൊടൂരാറിനു കുറുകെയുള്ള പഴയ പാലത്തിൽ ഗർഡറുകൾ മാറ്റുന്ന ജോലിയാണു നടക്കുന്നത്.
20ന് ആലപ്പുഴ വഴി തിരിച്ചുവിടുന്നവ:
Whatsapp Group 1 | Whatsapp Group 2 |Telegram Group
തിരുവനന്തപുരം – ചെന്നൈ സൂപ്പർ ഫാസ്റ്റ് (12624) – ആലപ്പുഴ, ചേർത്തല സ്റ്റേഷനുകളിൽ നിർത്തും.
തിരുവനന്തപുരം നോർത്ത്- ശ്രീ ഗംഗാനഗർ എക്സ്പ്രസ് (16312) – ആലപ്പുഴയിൽ നിർത്തും.
തിരുവനന്തപുരം നോർത്ത് – ബെംഗളൂരു ഹംസഫർ എക്സ്പ്രസ് (16319) – ആലപ്പുഴയിൽ നിർത്തും.
കന്യാകുമാരി – ദിബ്രുഗഡ് വിവേക് എക്സ്പ്രസ് (22503) – ആലപ്പുഴയിൽ നിർത്തും.
തിരുവനന്തപുരം – മധുര അമൃത എക്സ്പ്രസ് (16343) – ഹരിപ്പാട്, അമ്പലപ്പുഴ, ആലപ്പുഴ, ചേർത്തല സ്റ്റേഷനുകളിൽ സ്റ്റോപ്.
തിരുവനന്തപുരം – മംഗളൂരു എക്സ്പ്രസ് (16347) – ഹരിപ്പാട്, അമ്പലപ്പുഴ, ആലപ്പുഴ,ചേർത്തല സ്റ്റേഷനുകളിൽ സ്റ്റോപ്.
യാത്ര ഇടയ്ക്ക് അവസാനിപ്പിക്കുന്നവ:
19നു ചെന്നൈയിൽ നിന്നു പുറപ്പെടുന്ന ചെന്നൈ – തിരുവനന്തപുരം സൂപ്പർഫാസ്റ്റ് (12695) കോട്ടയത്തു യാത്ര അവസാനിപ്പിക്കും. മടക്ക ട്രെയിൻ തിരുവനന്തപുരം – ചെന്നൈ സൂപ്പർഫാസ്റ്റ് (12696) 20നു രാത്രി 8.05നു കോട്ടയത്തു നിന്നാകും പുറപ്പെടുക.
20നു മധുര – ഗുരുവായൂർ എക്സ്പ്രസ് (16327) കൊല്ലത്തു യാത്ര അവസാനിപ്പിക്കും.
കൊല്ലത്തിനും ഗുരുവായൂരിനും ഇടയിൽ ട്രെയിൻ റദ്ദാക്കി. 21ന് ഉള്ള മടക്ക ട്രെയിൻ ഗുരുവായൂർ – മധുര എക്സ്പ്രസ് (16328) ഉച്ചയ്ക്ക് 12.10നു കൊല്ലത്തുനിന്നു പുറപ്പെടും.
നാഗർകോവിൽ – കോട്ടയം എക്സ്പ്രസ് (16366) 20നു ചങ്ങനാശേരിയിൽ യാത്ര അവസാനിപ്പിക്കും.
