യാത്രക്കാരുടെ ശ്രദ്ധയ്ക്ക്; റെയിൽവേ ടിക്കറ്റ് നിരക്ക് വർധന പ്രാബല്യത്തിൽ; പുതിയ മാറ്റങ്ങള്‍ ഇങ്ങനെ

വന്ദേഭാരത് ഉൾപ്പടെ എല്ലാ ട്രെയിനുകൾക്കും നിരക്ക് വർധന ബാധകമാണ്. പാസഞ്ചർ ട്രെയിനുകളിലെ ജനറൽ കോച്ചുകളിൽ 500 കിലോ മീറ്ററിന് മുകളിലേക്കുള്ള യാത്രക്ക് മാത്രമാണ് വർധന. എക്സ്പ്രസ് ട്രെയിനിൽ 1000 കിലോമീറ്റർ സഞ്ചരിക്കാൻ നോൺ എ സി കോച്ചിൽ 10 രൂപയും എ സി കോച്ചിൽ 20 രൂപയും അധികം നൽകണം. അതേസമയം മുൻകൂട്ടി ബുക്ക് ചെയ്ത ടിക്കറ്റുകൾക്കും സീസൺ ടിക്കറ്റുകാർക്കും നിരക്ക് വർധന ബാധകമല്ല.

നിരക്ക് വർധന ടിക്കറ്റ് തുകയിലെ മാറ്റങ്ങള്‍

• 200 കിലോമീറ്റർ വരുന്ന സ്ലീപ്പർ ടിക്കറ്റിന്റെ നിരക്ക് 145 രൂപ ആയിരുന്നത് 150 ആകും.
• 300 കിലോമീറ്റർ ദൂരത്തിലുള്ള തേർഡ് എസി ടിക്കറ്റ് നിരക്ക് 505 രൂപ ആയിരുന്നത് 510 ആകും.
• 300 കിലോമീറ്റർ ദൂരത്തിലുള്ള സെക്കൻഡ് എസി നിരക്ക് 710 രൂപ ആയിരുന്നത് 715 ആകും.
• 150 കിലോമീറ്റർ എസി ചെയർ കാർ നിരക്ക് 265 രൂപ ആയിരുന്നത് 270 ആകും.
• തിരുവനന്തപുരം കണ്ണൂർ എക്സ്പ്രസ് സ്ലീപ്പർ നിരക്ക് 290 ആയിരുന്നത് ഇനി 295 രൂപ.
• തിരുവനന്തപുരം ചെന്നൈ എക്സ്പ്രസ് സ്ലീപ്പർ നിരക്ക് 460 രൂപ ആയിരുന്നത് ഇനി 470 ആകും.
• തിരുവനന്തപുരം ബംഗളൂരു എക്സ്പ്രസ് സ്ലീപ്പർ നിരക്ക് 430 ആയിരുന്നത് 440 ആകും.

മറ്റ് മാറ്റങ്ങള്‍

• തത്കാൽ ടിക്കറ്റുകൾക്ക് ആധാർ കാർഡ് ഓതെന്റിക്കേഷൻ നിർബന്ധം. ഓൺലൈൻ ടിക്കറ്റ് തലകളായി എടുക്കണമെങ്കിൽ ഐ ആർ സി ടി സി അക്കൗണ്ടുമായി ആധാർ കാർഡ് ലിങ്ക് ചെയ്യണം
• പുതുതായി പാൻ കാർഡ് എടുക്കണമെങ്കിൽ ഇന്ന് മുതൽ ആധാർ കാർഡ് നിർബന്ധം. ഇതുവരെ മറ്റ് ഐ ഡി പ്രൂഫ് നൽകി ആധാർ എടുക്കാമായിരുന്നു. പ്രത്യക്ഷ നികുതി ബോർഡിൻറെ പുതിയ ചട്ടം ജൂലൈ ഒന്നിന് നിലവിൽ വന്നു.
• ജി എസ് ടി റിട്ടേൺ സമർപ്പിക്കുന്ന രീതിയിലും മാറ്റങ്ങൾ ഉണ്ട്. GSTR 3B ഫോമുകളിൽ സമർപ്പിച്ച് കഴിഞ്ഞാൽ ഇനി എഡിറ്റിംഗ് സാധ്യമല്ല. നികുതി അടയ്‌ക്കേണ്ട തിയതി കഴിഞ്ഞ് മൂന്നു വർഷത്തിനുള്ളിൽ റിട്ടേൺ ഫയൽ ചെയ്യണം എന്ന നിബന്ധനയും നിലവിൽ വന്നു
• വിവിധ ബാങ്കുകൾ ക്രെഡിറ്റ് കാർഡ് സർവീസ് ചാർജുകളിൽ മാറ്റം കൊണ്ടുവന്നിട്ടുണ്ട്. ഐ സി ഐ സി ഐ ബാങ്ക് എ ടി എം ഉപയോഗിക്കാനുള്ള ചാർജ് വർധിപ്പിച്ചു.