19കാരിയെ ട്രെയിൻ തട്ടി മരിച്ച നിലയില്‍ കണ്ടെത്തിയ സംഭവം; ദുരൂഹത ആരോപിച്ച്‌ കുടുംബം; അന്വേഷണം ആവശ്യപ്പെട്ടു

ആലപ്പുഴ: അരൂർ റെയില്‍വെ സ്റ്റേഷന് സമീപം 19 കാരിയെ ട്രെയിൻ തട്ടി മരിച്ച നിലയില്‍ കണ്ടെത്തിയ സംഭവത്തില്‍ ദുരൂഹത ആരോപിച്ച്‌ കുടുംബം.

യുവതിയുടെ മരണത്തില്‍ കുടുംബം അന്വേഷണം ആവശ്യപ്പെട്ടു. അരൂർ പഞ്ചായത്ത് 17-ാം വാർഡില്‍ ധർമ്മേക്കാട് രതീഷിന്റെ മകള്‍ 19 കാരിയായ അഞ്ജനയാണ് മരിച്ചത്.

സംഭവത്തില്‍ ദുരൂഹതയുണ്ടെന്നും അന്വേഷണം ആവശ്യമാണെന്നുമാണ് കുടുംബം പറയുന്നത്. കഴിഞ്ഞ ദിവസം രാത്രി 12 മണിയോടെയാണ് അഞ്ജനയെ ട്രെയിൻ തട്ടി മരിച്ച നിലയില്‍ കണ്ടെത്തിയത്.

പൊലീസില്‍ പരാതി നല്‍കിയതിനെ തുടർന്ന് പോസ്റ്റ്‌മോർട്ടത്തിനായി മൃതദേഹം എറണാകുളം ജനറല്‍ ആശുപത്രിയിലേക്ക് മാറ്റി. സംഭവത്തില്‍ വിശദമായ അന്വേഷണം ആരംഭിച്ചതായും പൊലീസ് വ്യക്തമാക്കി.