തിരുവനന്തപുരം: കോട്ടയം യാർഡിൽ അറ്റകുറ്റപ്പണികൾ നടക്കുന്നതിനാൽ സംസ്ഥാനത്തെ ട്രെയിൻ സർവീസിൽ നിയന്ത്രണം.
16 മുതൽ 31 വരെയുള്ള ദിവസങ്ങളിലെ ട്രെയിൻ ഗതാഗതത്തിലാണ് നിയന്ത്രണമുള്ളത്.
കോട്ടയം – നിലമ്പൂർ എക്‌സ്‌പ്രസ് അഞ്ച് ദിവസത്തേക്ക് ഭാഗികമായി റദ്ദാക്കി. കോട്ടയം – നിലമ്പൂർ ഡെയ്ലി എക്‌സ്‌പ്രസ് 16,17,19,23,29 തീയതികളിൽ ഏറ്റുമാനൂരിൽ നിന്നായിരിക്കും പുറപ്പെടുക. കോട്ടയം – ഏറ്റുമാനൂർ റൂട്ടിൽ സർവീസുണ്ടായിരിക്കില്ല.
Whatsapp Group 1 | Whatsapp Group 2 |Telegram Group
26-ാം തീയതിയിലെ മംഗളൂരു – തിരുവനന്തപുരം – നേർത്ത് സ്‌പെഷ്യൽ ട്രെയിൻ 30 മിനിട്ട് വെെകിയോടും. തെലങ്കാനയിലെ റെയിൽ ലെെനിലും അറ്റകുറ്റപ്പണികൾ നടക്കുന്നുണ്ട്. ജോലികളുടെ ഭാഗമായി ഒക്ടോബറിൽ കേരളത്തിലൂടെയുള്ള ആറ് ട്രെയിനുകളും റദ്ദാക്കിയിട്ടുണ്ട്.
ഒക്ടോബർ 10,12 തീയതികളിലെ ഗോരഖ്പൂർ – തിരുവനന്തപുരം നോർത്ത് രപ്തിസാഗർ എക്‌സ്‌പ്രസ് റദ്ദാക്കിയിട്ടുണ്ട്. 14,15 തീയതികളിലെ തിരുവനന്തപുരം നോർത്ത് – ഗോരഖ്പൂർ രപ്തിസാഗർ എക്‌സ്‌പ്രസും റദ്ദാക്കി.
ഒക്ടോബർ 13,16 തീയതികളിൽ തിരുവനന്തപുരം നോർത്ത് – കോർബ സൂപ്പർഫാസ്റ്റ് എക്‌സ്‌പ്രസ് റദ്ദാക്കി. 15,18 തീയതികളിൽ പെയിംഗ് ട്രെയിനും റദ്ദാക്കിയിട്ടുണ്ട്. ഒക്ടോബർ 13ലെ ബറൗനി – എറണാകുളം ജംഗ്ഷൻ രപ്തിസാഗർ എക്‌സ്‌പ്രസും റദ്ദാക്കിയിട്ടുണ്ട്.
17-ാം തീയതിയിലെ തിരിച്ചുള്ള ട്രെയിനും റദ്ദാക്കി. യാത്രക്കാർ റെയിൽ വൺ ആപ്പ് നോക്കി സമയം പരിശോധിച്ചതിനു ശേഷം മാത്രം യാത്രകൾക്കുള്ള ക്രമീകരണങ്ങൾ നടത്തണമെന്ന് റെയിൽവേ അധികൃത‌ർ അറിയിച്ചു
