ഹോട്ടൽ ബുക്കിംഗിൽ ഡിസ്കൗണ്ട് വാഗ്ദാനം ചെയ്ത് തട്ടിപ്പ്: 50,000 മുതൽ 1.5 ലക്ഷം രൂപ വരെ തട്ടിയെടുത്തു, ടൂറിസ്റ്റ് ഏജൻസിക്കെതിരെ 60 ഓളം പരാതികൾ

കൊച്ചി: ടൂറിസം പാക്കേജിൻ്റെ മറവിൽ കൊച്ചിയിൽ വൻ തട്ടിപ്പ്. ഇന്ത്യയ്ക്ക് അകത്തും പുറത്തുമുള്ള ഹോട്ടലുകളിൽ ഓഫറിൽ ബുക്കിംഗ് വാഗ്ദാനം ചെയ്ത് 50,000 രൂപ മുതൽ ഒന്നര ലക്ഷം രൂപ വരെയാണ് തട്ടിപ്പ് നടത്തിയത്. ക്ലബ് ഡബ്ല്യു എന്ന സ്ഥാപനത്തിനെതിരെയാണ് പരാതി.

Link

Embed

Copy and paste this HTML code into your webpage to embed.

നിശ്ചിത താരിഫിലുള്ള പാക്കേജ് എടുക്കുന്നവർക്ക് ഓഫറുകളും 50,000 രൂപ വരെ സ്റ്റേ വൗച്ചറുമായിരുന്നു. ഓൺലൈൻ ഹോട്ടൽ ബുക്കിംഗ് സൈറ്റുകളിലേതിനേക്കാൾ പാക്കേജിൽ അംഗമായവർക്ക് പലർക്കും ഈ ആനുകൂല്യം കിട്ടിയില്ല. നിലവിൽ 60 ഓളം പേർ പരാതിയുമായി രംഗത്തെത്തി.

എളമക്കര പോലീസ് സ്റ്റേഷനിലാണ് ആദ്യം കേസെടുത്തിരിക്കുന്നത്. കമ്പനിയുടെ മാനേജിങ് ഡയറക്ടർ അരവിന്ദ് ശങ്കർ, ഡയറക്ടർമാരായ മുബനീസ് അലി, പ്രണവ് എന്നിവരെ ഒന്നുമുതല്‍ മൂന്നുവരെ പ്രതികളാക്കിയാണ് പോലീസ് കേസെടുത്തത്.