കൊച്ചി: ഇടപ്പള്ളി-മണ്ണൂത്തി ദേശീയപാതയിൽ പാലിയേക്കരയിലെ ടോള് പിരിവ് പുനസ്ഥാപിക്കില്ലെന്ന് ഹൈക്കോടതി. ഇതുസംബന്ധിച്ച് കേന്ദ്ര സര്ക്കാരിനോട് തീരുമാനം എടുക്കാൻ നിര്ദേശം നല്കിയതാണെന്നും, ആ തീരുമാനം വരുന്നതുവരെയാണ് ടോള് പിരിവ് മരവിപ്പിച്ചതെന്നും ഹൈക്കോടതി വ്യക്തമാക്കി.
സർവീസ് റോഡുകളുടെ പ്രശ്നങ്ങൾ പരിഹരിച്ചുവരുകയാണെന്നും ടോള് പിരിവ് പുന:സ്ഥാപിച്ച് ഉത്തരവില് ഭേദഗതി വരുത്തണമെന്ന് ദേശീയപാത അതോറിറ്റി ആവശ്യപ്പെട്ടു. എന്നാല്, കോടതി ഈ ആവശ്യം തള്ളി. ഇടപ്പള്ളി–മണ്ണുത്തി ദേശീയപാതയിലെ ഗതാഗത പ്രശ്നവുമായി ബന്ധപ്പെട്ട ഹർജി നാളെ വീണ്ടും പരിഗണിക്കും. ജില്ലാ കളക്ടർ നാളെ ഓൺലൈൻ വഴി കോടതിയിൽ ഹാജരാകണമെന്ന് ഹൈക്കോടതി നിർദേശിച്ചു.
പാലിയേക്കരയിലെ ടോള് പിരിവ് ഇന്നു വരെയാണ് ഹൈക്കോടതി തടഞ്ഞിരുന്നത്. എന്നാൽ, ഹർജിയിൽ അന്തിമ തീരുമാനം ഉണ്ടാകുന്നതുവരെ അത് വീണ്ടും ആരംഭിക്കില്ലെന്ന് ഹൈക്കോടതി വ്യക്തമാക്കി. ജില്ലാ കളക്ടർ പരിശോധന നടത്തിയ കാര്യത്തിൽ കോടതി വിശദീകരണം തേടി. 15 ദിവസം കൂടി സമയം ആവശ്യമാണ് എന്നും ദേശീയപാത അതോറിറ്റി അറിയിച്ചു.
Whatsapp Group 1 | Whatsapp Group 2 |Telegram Group