നിയന്ത്രണം വിട്ട ട്രാവലർ നിർത്തിയിട്ടിരുന്ന കോഴി വണ്ടിക്ക് പിന്നിൽ ഇടിച്ച് അപകടം; പത്തുപേർക്ക് പരിക്ക്

സ്വന്തം ലേഖകൻ

തൃശൂർ: ചാവക്കാട് നിർത്തിയിട്ടിരുന്ന കോഴി വണ്ടിക്ക് പിന്നിൽ നിയന്ത്രണം വിട്ട ട്രാവലർ ഇടിച്ച് അപകടം. അപകടത്തിൽ ഡ്രൈവർ ഉൾപ്പെടെ 10 പേർക്ക് പരുക്കേറ്റു. രാവിലെ ആറോടെയായിരുന്നു അപകടം.

ട്രാവലറിലെ ഡ്രെെവർക്കും യാത്രക്കാർക്കും, ലോറി ജീവനക്കാരനുമാണ് പരുക്കേറ്റത്. കണ്ണൂർ സ്വദേശികളായ ഡ്രൈവർ ഷിജിത്, യാത്രികരായ വൈശാഖ്, അമൃത, ദക്ഷിൻ ധർവിക്(5), പുരുഷോത്തമൻ, ഷീജ, ധനുല, രിശോണ, അൽന, കോഴിവണ്ടിയിലെ ജോലിക്കാരൻ മലപ്പുറം പൊന്നാനി സ്വദേശി മുഹമ്മദ്‌ അനസ് എന്നിവർക്കാണ് പരുക്കേറ്റത്.

കണ്ണൂരിൽ നിന്ന് നെടുമ്പാശേരി എയർപോർട്ടിലേക്ക് യാത്ര ചെയ്യുകയായിരുന്നു ട്രാവലറിലെ യാത്രക്കാർ. അയിനാപുള്ളിയിലെ ചിക്കൻ സ്റ്റാളിൽ കോഴി ഇറക്കുന്നതിനായി നിർത്തിയിട്ട മിനി ലോറിക്ക് പുറകിലാണ് ട്രാവലർ ഇടിച്ചത്. പരുക്കേറ്റവരെ ചാവക്കാട്ടേയും തൃശൂരിലേയും ആശുപത്രികളിൽ പ്രവേശിപ്പിച്ചു.