സ്വന്തം ലേഖകൻ
തൃശ്ശൂര്: ആത്മഹത്യയ്ക്ക് ശ്രമിച്ച് അവശനിലയിലായ യുവതിക്ക് നേരെ ലൈംഗികാതിക്രമം. തൃശ്ശൂര് മെഡിക്കല് കോളേജ് ആശുപത്രിയിലേക്ക് പോകുന്നതിനിടെ ആംബുലന്സിലായിരുന്നു പീഡനശ്രമം. സംഭവത്തില് കൊടുങ്ങല്ലൂര് താലൂക്ക് ഗവ. ആശുപത്രിയിലെ താത്ക്കാലിക ജീവനക്കാരനെ പൊലീസ് അറസ്റ്റ് ചെയ്തു.
കൊടുങ്ങല്ലൂര് താലൂക്ക് ആശുപത്രിയിലെ ഇലക്ട്രിക്കല് വിഭാഗത്തിലെ താല്ക്കാലിക ജീവനക്കാരന് ശ്രീനാരായണപുരം സ്വദേശി ദയാലാലിനെ ആണ് മെഡിക്കല് കോളേജ് പൊലീസ് അറസ്റ്റ് ചെയ്തത്.
Whatsapp Group 1 | Whatsapp Group 2 |Telegram Group
കഴിഞ്ഞ വെള്ളിയാഴ്ച വിഷം കഴിച്ച് ആത്മഹത്യക്ക് ശ്രമിച്ച കൈപ്പമംഗലം സ്വദേശിനിയാണ് പീഡനത്തിനിരയായത്. അത്യാസന്ന നിലയില് കൊടുങ്ങല്ലൂര് താലൂക്ക് ആശുപത്രിയില് പ്രവേശിപ്പിച്ച യുവതിയെ വിദഗ്ദ ചികിത്സക്കായി തൃശ്ശൂര് മെഡിക്കല് കോളേജ് ആശുപത്രിയിലേക്ക് കൊണ്ടുപോകുമ്ബോള് ആംബുലന്സില് വെച്ചായിരുന്നു പീഡനശ്രമം.
