തൃശ്ശൂർ ചേലക്കരയില്‍ ചെത്തുതൊഴിലാളി സുഹൃത്തിന്റെ വെട്ടേറ്റു മരിച്ചു; ഒരാൾ ഗുരുതര പരിക്കുകളോടെ മെഡിക്കല്‍ കോളജില്‍; പ്രതി ഒളിവിൽ

തൃശൂര്‍: തൃശൂര്‍ ചേലക്കര വാഴാലിക്കാവില്‍ ചെത്തുതൊഴിലാളി സുഹൃത്തിന്റെ വെട്ടേറ്റു മരിച്ചു. കുന്നുമ്മാല്‍തൊടി വാസു ആണ് മരിച്ചത്. 56 വയസ്സായിരുന്നു.

രാവിലെ പത്തുമണിയോടെയായിരുന്നു സംഭവം. ഗിരീഷ് എന്ന സുഹൃത്താണ് വാസുവിനെ വെട്ടിയതെന്ന് പൊലീസ് പറഞ്ഞു. വാസുവിന്റെ സുഹൃത്ത് ജയനും വെട്ടേറ്റിട്ടുണ്ട്.

ഗുരുതരമായി പരിക്കേറ്റ ജയന്‍ തൃശൂര്‍ മെഡിക്കല്‍ കോളജ് ആശുപത്രിയില്‍ ചികിത്സയിലാണ്. ഇരുവരേയും ആക്രമിച്ച ഗിരീഷിനായി പൊലീസ് തിരച്ചില്‍ ഊര്‍ജ്ജിതമാക്കി.