തൃശൂരിൽ അജ്ഞാതന് കടലിൽ ചാടി എന്ന വിവരത്തിന്‍റെ അടിസ്ഥാനത്തിൽ തിരച്ചിൽ ഊർജിതം;ഇന്നലെ രാത്രി കടലിൽ പരിശോധന നടത്തിയിട്ടും വിവരമൊന്നും ലഭിച്ചിരുന്നില്ല; ഇന്ന് രാവിലെ മുതൽ തിരച്ചിൽ പുനരാരംഭിച്ചു

സ്വന്തം ലേഖകൻ

തൃശൂര്‍ :തൃശൂരിലെ വാടാനപ്പള്ളി തമ്പാൻ കടവിൽ ചാടിയ അജ്ഞാതനായി തിരച്ചിൽ തുടരുന്നു. ഇന്നലെ വൈകീട്ട് ഏഴു മണിയോടെ കരയിൽ ചെരുപ്പ് അഴിച്ചുവെച്ച ശേഷം അജ്ഞാതൻ കടലിൽ ചാടി എന്ന വിവരത്തിന്‍റെ അടിസ്ഥാനത്തിലാണ് തിരച്ചിൽ തുടരുന്നത്.

നാട്ടുകാരാണ് അഞ്ജാതന്‍ കടവിൽ ചാടിയതായുള്ള വിവരം പൊലീസിനും ഫിഷറീസ് ഡിപ്പര്‍ട്ടമെന്‍റിനും കൈമാറിയത്. ഇതനുസരിച്ചാണ് ഇന്നലെ വൈകീട്ട് മുതല്‍ ഫിഷറീസ് ഡിപ്പാർട്ട്മെന്റ് പൊലീസ്
പട്രോൾ ബോട്ടിൽ തിരച്ചില്‍ നടത്തിയത്.

ഇന്നലെ രാത്രി 11 മണി വരെ കടലിൽ പരിശോധന നടത്തിയിട്ടും വിവരമൊന്നും ലഭിക്കാതായതോടെ ഇവർ തെരച്ചില്‍ നിര്‍ത്തി മടങ്ങി. പിന്നീട് ഇന്ന് രാവിലെ മുതല്‍ തിരച്ചിൽ പുനരാരംഭിക്കുകയായിരുന്നു.