തൃക്കൊടിത്താനത്ത് പ്രായപൂർത്തിയാകാത്ത പെൺകുട്ടിയെ പീഡിപ്പിച്ചു; വിവരം പുറത്തറിയുന്നത് കൗൺസിലിങ്ങിനിടെ; പോക്സോ കേസിൽ ചെത്തിപ്പുഴ സ്വദേശി അറസ്റ്റിൽ

സ്വന്തം ലേഖിക

കോട്ടയം: തൃക്കൊടിത്താനത്ത് പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവിനെ പോലീസ് അറസ്റ്റ് ചെയ്തു.

ചെത്തിപ്പുഴ വെരൂർ ഭാഗത്ത് ഇളപ്പുങ്കൽ വീട്ടിൽ അഫ്സൽ മുഹമ്മദ് (30) നെയാണ് തൃക്കൊടിത്താനം പോലീസ് അറസ്റ്റ് ചെയ്തത്.

ഇയാൾ അതിജീവിതയെ 2021ൽ പീഡിപ്പിച്ചതായി കൗൺസിലിങ്ങിനിടയിൽ പെൺകുട്ടി പറയുകയും തുടർന്ന് പോലീസ് കേസ് രജിസ്റ്റർ ചെയ്ത് ഇയാളെ പിടികൂടുകയുമായിരുന്നു.

തൃക്കൊടിത്താനം സ്റ്റേഷൻ എസ്.എച്ച്.ഓ അനൂപ് ജി, എസ്.ഐ സാഗർ എം.പി, ചന്ദ്രകുമാർ, സി.പി.ഓ മാരായ സജിത് കുമാർ, ക്രിസ്റ്റഫർ, സെൽവരാജ്, സന്തോഷ് എന്നിവർ ചേർന്നാണ് ഇയാളെ പിടികൂടിയത്.