പ്രസിദ്ധമായ തോട്ടയ്ക്കാട് മഹാശിവരാത്രി; ഇന്ന് തൃക്കൊടിയേറും; ഫെബ്രുവരി 19 ന് തിരുഃആറാട്ടോടു കൂടി സമാപിക്കും

സ്വന്തം ലേഖിക

കോട്ടയം:
ചരിത്രപ്രസിദ്ധമായ തോട്ടയ്ക്കാട് ശ്രീ ശങ്കരനാരായണ സ്വാമി ക്ഷേത്രത്തിലെ 2023-മാണ്ടു ശിവരാത്രി മഹോത്സവത്തിനു ഇന്ന് തൃക്കൊടിയേറും.

ഫെബ്രുവരി 19 ന് തിരുഃആറാട്ടോടു കൂടി സമാപിക്കും. വൈകുന്നേരം 6.15 ന് ക്ഷേത്രം തന്ത്രി ബ്രഹ്മശ്രീ പെരിഞ്ചേരിമന ഇല്ലം വാസുദേവൻ നമ്പൂതിരിയുടെയും ക്ഷേത്രം മേൽശാന്തി ബ്രഹ്മശ്രീ വടക്കേമടം സുബ്രഹ്മാണ്യൻ നമ്പൂതിരിയുടെയും മുഖ്യകർമികത്വത്തിലാണ് തൃക്കൊടിയേറ്റ്.

തുടർന്ന് മഹാദീപാരാധന.7 മണിക്ക് സുപ്രസിദ്ധ ചലച്ചിത്രതാരം വിനു മോഹൻ തിരുവരങ്ങിൽ കലാപരിപാടികളുടെ ഉദ്ഘാടനം നിർവഹിക്കും.

ശേഷം കുടമാളൂർ നാട്യമണ്ഡലം കഥകളി വിദ്യാലയത്തിന്റെ പ്രഹ്ലാദചരിതം കഥകളി നടക്കും.