തിരുവല്ലയില്‍ സ്വകാര്യ ബസ് ബൈക്കിൽ ഇടിച്ചു ;യാത്രികരായ അമ്മയ്ക്കും മകനും പരിക്കേറ്റു

സ്വന്തം ലേഖിക

തിരുവല്ല: സ്വകാര്യ ബസ് ബൈക്കില്‍ ഇടിച്ചുണ്ടായ അപകടത്തില്‍ ബൈക്ക് യാത്രികരായിരുന്ന അമ്മയ്ക്കും മകനും പരിക്കേറ്റു.

ചെങ്ങന്നൂര്‍ തിരുവൻവണ്ടൂര്‍ മണിയൻ പള്ളിയില്‍ വീട്ടില്‍ പ്രഭ (42) , മകൻ യദു ( 24 ) എന്നിവര്‍ക്കാണ് പരിക്കേറ്റത്. ഇന്ന് രാവിലെ 7 മണിയോടെ ടി കെ റോഡിലെ മഞ്ഞാടി ജംഗ്ഷന് സമീപം ആയിരുന്നു അപകടം.

തിരുവല്ല ഭാഗത്തുനിന്നും കോഴഞ്ചേരി ഭാഗത്തേക്ക് പോയ ബൈക്കില്‍ എതിര്‍ ദിശയില്‍ നിന്ന് വന്ന ബസ് ഇടിക്കുകയായിരുന്നു. അപകടത്തില്‍ സാരമായി പരിക്കേറ്റ ഇരുവരെയും തിരുവല്ലയിലെ സ്വകാര്യ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.