തിരുവല്ല തുകലശ്ശേരിയിൽ വിനോദ യാത്രാ സംഘം സഞ്ചരിച്ചിരുന്ന ടവേര കാർ തലകീഴായി മറിഞ്ഞ് അപകടം; ഒരാൾ മരിച്ചു; മൂന്നുപേർക്ക് പരിക്ക്

തിരുവല്ല: തുകലശ്ശേരിയിൽ വിനോദ യാത്രാ സംഘം സഞ്ചരിച്ചിരുന്ന ടവേര കാർ തലകീഴായി മറിഞ്ഞ് അപകടത്തിൽ ഒരാൾ മരിച്ചു.
മൂന്നു പേർക്ക് പരിക്കേറ്റു.

ശിവകാശി നാരനാപുരം സ്വദേശി മണികണ്ഠൻ (23)ആണ് മരിച്ചത്. തുകലശ്ശേരി ആഞ്ഞിലിമൂട് ജംഗ്ഷന് സമീപത്തെ കൊടും വളവിൽ ഇന്ന് രാവിലെ 7 മണിയോടെയായിരുന്നു അപകടം.

തലയ്ക്ക് ഗുരുതര പരിക്കേറ്റ മണികണ്ഠനെ തിരുവല്ല താലൂക്ക് ആശുപത്രിയിൽ എത്തിച്ചെങ്കിലും മരണം സംഭവിച്ചു.