തിരുനക്കര ക്ഷേത്ര മൈതാനത്തേയ്ക്കുള്ള പടിക്കെട്ടിൽ കാർ ഇടിച്ചു കയറി അപകടം; അയ്യപ്പ സേവാ സംഘം ഓഫീസിൻ്റെ തൂണിനോട് ചേർന്നുള്ള മതിൽ തകർന്നു; ആളപായമില്ല

സ്വന്തം ലേഖിക

കോട്ടയം: ശ്രീനിവാസ അയ്യർ റോഡിൽ നിന്ന് തിരുനക്കര ക്ഷേത്ര മൈതാനത്തേക്കുളള പടിക്കെട്ടിൽ കാർ ഇടിച്ചു കയറി അപകടം.

ക്ഷേത്രത്തിൽ നിർമാല്യം തൊഴുത് മടങ്ങിയ കോട്ടയം സ്വദേശി വിജയന്റെ കാറാണ് അപകടത്തിൽപെട്ടത്. യാത്രക്കാരന് പരിക്കില്ല.

അയ്യപ്പ സേവാ സംഘം ഓഫീസ് സ്ഥിതി ചെയ്യുന്ന കെട്ടിട്ടത്തിന്റെ തൂണിനോട് ചേർന്നുള്ള മതിൽ തകർന്നു. കാറിന്റെ മുൻവശവും തകർന്നു.

ഉറങ്ങി പോയതാകാം അപകട കാരണമെന്നാണ് നിഗമനം.