ആളൊരുങ്ങി, അരങ്ങൊരുങ്ങി..! പുതുവൽസരത്തേ വരവേൽക്കാൻ കോട്ടയവും ഒരുങ്ങി; തേര്‍ഡ് ഐ ന്യൂസും അച്ചായന്‍സ് ഗോള്‍ഡും ചേർന്നൊരുക്കുന്ന പുതുവത്സരാഘോഷം തിരുനക്കര മൈതാനത്ത് വൈകിട്ട് 7.30 മുതല്‍ രാത്രി 12 മണി വരെ ; ആലപ്പുഴ ബ്ലുഡയമൺസിന്റെ ഗാനമേള, 32 കലാകാരന്മാർ ചേർന്നൊരുക്കുന്ന ഫ്യൂഷൻ ചെണ്ട, മജീഷ്യൻ യോനാ കോയമ്പത്തൂരിന്റെ മാജിക്ക് ഷോ, വെടിക്കെട്ട് തുടങ്ങി കണ്ണഞ്ചിപ്പിക്കുന്ന കലാപ്രകടനങ്ങള്‍; കോട്ടയം ജില്ലാ പൊലീസ് മേധാവിയുടെ നേതൃത്വത്തിൽ കനത്ത സുരക്ഷയൊരുക്കി പൊലീസും; കുടുംബമായെത്തി പുതുവൽസരാഘോഷം അടിച്ചു പൊളിക്കൂ; പ്രവേശനം സൗജന്യം!!

കോട്ടയം: തിരുനക്കരയപ്പന്റെ മണ്ണിൽ തകർപ്പൻ “മെഗാഷോ“യ്ക്ക് തിരിതെളിയാൻ ഇനി മണിക്കൂറുകൾ മാത്രം. തേര്‍ഡ് ഐ ന്യൂസും അച്ചായന്‍സ് ഗോള്‍ഡും ചേർന്നൊരുക്കുന്ന പുതുവത്സരാഘോഷം 2023 ഡിസംബര്‍ 31ന് തിരുനക്കര മൈതാനത്ത് നടക്കും.

വൈകുന്നേരം 7.30 മണി മുതല്‍ രാത്രി 12 മണി വരെയാണ് വിവിധ കലാപരിപാടികളുടെ അകമ്പടിയോടെ പുതുവത്സരത്തെ വരവേല്‍ക്കാന്‍ അരങ്ങൊരുങ്ങുന്നത്

ആലപ്പുഴ ബ്ലുഡയമൺസിന്റെ ഗാനമേള, 32 കലാകാരന്മാർ ചേർന്നൊരുക്കുന്ന ഫ്യൂഷൻ ചെണ്ട, ഇന്ത്യൻ ചാർളി ചാപ്ളിൻ മജീഷ്യൻ യോനാ കോയമ്പത്തൂരിന്റെ മാജിക്ക് ഷോ, വെടിക്കെട്ട് തുടങ്ങി കണ്ണഞ്ചിപ്പിക്കുന്ന കലാപ്രകടനങ്ങള്‍ക്കാണ് തിരുനക്കര സാക്ഷ്യം വഹിക്കുന്നത്.
ആഘോഷ പരിപാടികൾ കണ്ട് ആസ്വദിക്കാൻ കോട്ടയത്തെ ഓരോരുത്തരേയും തിരുനക്കരയിലേക്ക് ക്ഷണിക്കുകയാണ്.

സഹകരണ മന്ത്രി വി.എൻ വാസവൻ, തോമസ് ചാഴികാടൻ എംപി, തിരുവഞ്ചൂർ രാധാകൃഷ്ണൻ എംഎൽഎ, നഗരസഭാ അധ്യക്ഷ ബിൻസി സെബാസ്റ്റ്യൻ, ജില്ലാ പൊലീസ് മേധാവി കെ. കാർത്തിക്ക് ഐപിഎസ്, അഡ്വ. കെ അനിൽകുമർ, നാട്ടകം സുരേഷ് തുടങ്ങിയവർ പങ്കെടുക്കും

കോട്ടയം ജില്ലാ പൊലീസ് മേധാവിയുടെ നേതൃത്വത്തിൽ കനത്ത സുരക്ഷയാണ് പൊലീസ് തിരുനക്കര മൈതാനത്തൊരുക്കിയിരിക്കുന്നത്. കുടുംബമായി വരിക, സുരക്ഷിതമായി പുതുവത്സരം ആഘോഷിക്കുക …!

തിരുനക്കര മൈതാനത്ത് നടക്കുന്ന പരിപാടിയില്‍ പ്രവേശനം പൂര്‍ണ്ണമായും സൗജന്യമായിരിക്കുമെന്നും ഓര്‍മ്മിപ്പിക്കുന്നു !!