ദുരിതാശ്വാസ ക്യാമ്പുകളിൽ തേർഡ് ഐ ന്യൂസിന്റെ കൈത്താങ്ങ്; കൂടുതൽ സ്ഥലങ്ങളിൽ ഭക്ഷണവും വസ്ത്രങ്ങളും വിതരണം ചെയ്തു

സ്വന്തം ലേഖകൻ

കോട്ടയം: മഴക്കെടുതിയിൽ ദുരിതം അനുഭവിക്കുന്നവർക്ക് കൂടുതൽ മേഖലകളിൽ സഹായമെത്തിച്ച് തേർഡ് ഐ ന്യൂസ് ലൈവ്. ജില്ലാ പൊലീസിന്റെ സഹായത്തോടെയാണ് തേർഡ് ഐ ന്യൂസ് സംഘം വിവിധ ക്യാമ്പുകളിൽ അവശ്യ സാധനങ്ങൾ വിതരണം ചെയ്തത്. രണ്ടു ദിവസം കൊണ്ട് സംസ്ഥാനത്തിന്റെ വിവിധ മേഖലകളിൽ നിന്നുള്ള അഭ്യുദയ കാംഷികളിൽ നിന്നാണ് തേർഡ് ഐ ന്യൂസ് സംഘം സാധനങ്ങൾ ശേഖരിച്ചത്. അരി , പഞ്ചസാര , ബിസ്‌ക്കറ്റ് , ചപ്പാത്തി, ഏത്തപ്പഴം , ബെഡ്ഷീറ്റുകൾ , സാനിറ്ററി നാപ്കിനുകൾ എന്നിവയെല്ലാം വിതരണം ചെയ്തു. അയ്മനം പി.ജെ ജോൺ മെമ്മോറിയം സ്‌കൂൾ, കുടമാളൂർ സ്‌കൂൾ, തിരുവാർപ്പ് സ്‌കൂൾ, ചെങ്ങളം സ്‌കൂൾ തുടങ്ങിയ സ്ഥലങ്ങളിലെ ദുരിതാശ്വാസ ക്യാമ്പുകളിൽ തേർഡ് ഐ ന്യൂസ് ലൈവ് സംഘം സഹായമെത്തിച്ചു.

ഈ ക്യാമ്പുകളിലായി ആയിരത്തിയഞ്ഞൂറിലേറെ ആളുകളാണ് കഴിയുന്നത്. ജില്ലാ പൊലീസ് മേധാവി ഹരിശങ്കറിന്റെ നിർദേശാനുസരണം ഇദേഹത്തിന്റെ സ്‌ക്വാഡ് അംഗങ്ങളും വനിതാ സ്റ്റേഷൻ എസ്.ഐ ഉഷാകുമാരിയും, വനിതാ സിവിൽ പൊലീസ് ഓഫിസർമാരായ പി . എസ് നിഷാ , എം .ബിന്ദു,   എസ് . മഞ്ജു എന്നിവർ   തേർഡ് ഐ ന്യൂസ് ലൈവ് ടീമിനൊപ്പം വാഹനങ്ങളിൽ വിവിധ ദുരിതാശ്വാസ ക്യാമ്പുകളിൽ എത്തിയത്. ഈ ക്യാമ്പുകളിലെ താമസക്കാർക്ക് ഇനി വസ്ത്രങ്ങളും , പുതപ്പും , സാനിറ്ററി നാപ്കിൻസും,അടിവസ്ത്രങ്ങളുമാണ് ആവശ്യം. ഇത് ശേഖരിക്കുന്നതിനുള്ള ശ്രമം തേർഡ് ഐ ന്യൂസ് ആരംഭിച്ചിട്ടുണ്ട്.ഇങ്ങനെയുള്ള സാധനങ്ങൾ തന്ന് സഹായിക്കാൻ താല്പര്യം ഉള്ളവർ ഞങ്ങളെ അറിയിക്കുക. കോട്ടയം സമീപ പ്രദേശത്ത് എവിടെയാണെങ്കിലും ഞങ്ങൾ വന്ന് ശേഖരിക്കുന്നതാണ്. phn: 9847200864, 9446501111