തെങ്ങണയില്‍ സ്വകാര്യ ബസും ബൈക്കും കൂട്ടിയിടിച്ച്‌ കോളജ് വിദ്യാര്‍ഥിക്ക് ദാരുണാന്ത്യം

സ്വന്തം ലേഖിക

ചങ്ങനാശേരി: ബൈക്ക് നിയന്ത്രണംവിട്ട് ബസുമായി കൂട്ടിയിടിച്ച്‌ വിദ്യാര്‍ഥിക്ക് ദാരുണ അന്ത്യം.

തെങ്ങണയില്‍ ഫ്രൂട്ട് സ്റ്റാള്‍ നടത്തുന്ന മാടപ്പള്ളി പുന്നക്കുന്ന് മുങ്ങക്കാവില്‍ എം.ആര്‍ അജികുമാറിന്‍റെ മകന്‍ അഭിജിത്ത് എം. കുമാര്‍ (22) ആണ് മരിച്ചത്.

തെങ്ങണ കരിക്കണ്ടം റോഡില്‍ പുന്നക്കുന്നം ഭാഗത്തുള്ള അഭിജിത്തിന്‍റെ വീടിന് മുൻപില്‍ വച്ചാണ് അപകടം.

തെങ്ങണയില്‍ പോയി തിരികെ വീട്ടിലേക്ക് മടങ്ങുമ്പോള്‍ ഈ റൂട്ടില്‍ സര്‍വീസ് നടത്തുന്ന സ്വകാര്യ ബസുമായി കൂട്ടിയിടിക്കുകയായിരുന്നുവെന്ന് തൃക്കൊടിത്താനം പോലീസ് പറഞ്ഞു.

ചെത്തിപ്പുഴ ക്രിസ്തുജ്യോതി കോളജിലെ അവസാനവര്‍ഷ വിദ്യാര്‍ഥിയാണ് അഭിജിത്. അജിത്കുമാറിന്‍റെ ഏകമകനാണ്. മാതാവ് പരേതയായ ബിന്ദു.