രാവിലെ എന്നും ഒരുപോലെയുള്ള ഭക്ഷണമാണോ തയ്യാറാക്കുന്നത്? ബ്രേക്ക്ഫാസ്റ്റിന് രുചികരമായ തേങ്ങാ പത്തിരി ആയാലോ? റെസിപ്പി ഇതാ

കോട്ടയം: രാവിലെ എന്നും ഒരുപോലെയുള്ള ഭക്ഷണമാണോ തയ്യാറാക്കുന്നത്? ഇന്ന് അല്പം വ്യത്യസ്തമായി ഒരു വെറൈറ്റി പത്തിരി ഉണ്ടാക്കിയാലോ?

രുചികരമായ തേങ്ങാ പത്തിരി റെസിപ്പി നോക്കാം.

ആവശ്യമായ ചേരുവകള്‍

പത്തിരി പൊടി :- 1.5 കപ്പ്
ചെറിയ ഉള്ളി അരിഞ്ഞത് :- 5 – 6 എണ്ണം
ജീരകം :- അര ടീ സ്പൂണ്
തേങ്ങ ചിരകിയത് :- 3/4 കപ്പ്
ഉപ്പ്
വെള്ളം:- 2 കപ്പ്
തയ്യാറാക്കുന്ന വിധം

വെള്ളത്തിലേക്ക് ഉപ്പും, ചെറിയ ഉള്ളി അരിഞ്ഞതും, ജീരകവും , തേങ്ങയും ചേർത്തു തിളപ്പിക്കുക. തിളച്ചു കഴിഞ്ഞു തീ കുറച്ചു വെച്ചു അരിപ്പൊടി ചേർത്തിളക്കി തീ ഓഫ് ആക്കാം. ഒരു 5 മിനിറ്റ് മൂടി വെച്ച ശേഷം കൈയില്‍ അല്പം എണ്ണ തടവി നന്നായി കുഴച്ചു മയപ്പെടുത്തുക. ശേഷം കുറച്ചു കുറച്ചു മാവ് ബോള്‍ ആക്കി എടുത്ത് കുറച്ചു പൊടി തൂവി പരത്തി എടുത്ത് ചൂടായ തവയില്‍ ഇട്ട് ചുട്ടെടുക്കുക.