കടയിൽ നിന്നും അടക്ക മോഷ്ടിച്ച കേസിൽ നിരവധി ക്രിമിനൽ കേസുകളിലെ പ്രതിയായ യുവാവ് ഏറ്റുമാനൂർ പൊലീസിന്റെ പിടിയിൽ; ഇയാൾ കാപ്പാ നിയമപ്രകാരം 6 മാസത്തേക്ക് നാടുകടത്തലിനും വിധേയനായിട്ടുണ്ടെന്ന് പൊലീസ്

ഈരാറ്റുപേട്ട: കടയിൽ നിന്നും അടക്ക മോഷ്ടിച്ച കേസിൽ നിരവധി ക്രിമിനൽ കേസുകളിൽ പ്രതിയായ യുവാവ് അറസ്റ്റിൽ. ഈരാറ്റുപേട്ട പുത്തൻപുരയ്ക്കൽ അഫ്സൽ ഹക്കീം (28) ആണ് അറസ്റ്റിലായത്.

മാർച്ച് 26നാണ് പുതിയറക്കൽ വീട്ടിൽ മുഹമ്മദ് റഫീഖിന്റെ കടയിൽ നിന്ന് അടക്ക മോഷണം പോയത്. പരാതിയിൽ ഈരാറ്റുപേട്ട പോലീസ് കേസ് രജിസ്റ്റർ ചെയ്ത് നടത്തിയ അന്വേഷണത്തിലാണ് പ്രതി പിടിയിലായത്. ഇയാളെ 2023ൽ കാപ്പാ നിയമപ്രകാരം 6 മാസത്തേക്ക് ഇയാളെ നാടുകടത്തിയിട്ടുണ്ട്.

ഇയാൾ പാലാ, ഈരാറ്റുപേട്ട,കടുത്തുരുത്തി,തിടനാട്,കറുകച്ചാൽ,പൊൻകുന്നം,മുട്ടം തുടങ്ങി വിവിധ പോലീസ് സ്റ്റേഷനുകളിലെ പതിനഞ്ചോളം മോഷണം, പിടിച്ചുപറി, അടിപിടിക്കേസുകളിൽ പ്രതിയാണെന്ന് പൊലീസ് വ്യക്തമാക്കി.

പ്രതിയിൽ മോഷണമുതൽ കണ്ടെടുത്തു. അറസ്റ്റ് ചെയ്ത പ്രതിയെ റിമാൻഡ് ചെയ്തു.