എ ടി എം കൗണ്ടർ തകർത്ത് മോഷണശ്രമം ; പ്രതിയെ പിടികൂടി പോലീസ്

തിരുവനന്തപുരം: അട്ടക്കുളങ്ങര മണക്കാട് റോഡില്‍ എ.ടി.എം കൗണ്ടർ തകർത്ത് മോഷണത്തിന് ശ്രമിച്ച പ്രതി അറസ്റ്റില്‍.

മണക്കാട് കുര്യാത്തി സ്വദേശി കൃഷ്ണകുമാറാണ് ഫോർട്ട് പൊലീസിന്റെ പിടിയിലായത്.

തിങ്കളാഴ്ച രാത്രിയായിരുന്നു സംഭവം. എ.ടി.എം തകർക്കാൻ ശ്രമിക്കുന്നതിനിടെ ആളുകള്‍ കണ്ട് പൊലീസില്‍ വിവരമറിയിക്കുകയായിരുന്നു.

എസ്.ഐ അരുണ്‍ കുമാറിന്റെ നേതൃത്വത്തില്‍ എസ്.ഐ സ്റ്റാൻലി ജോണ്‍, സി.പി.ഒ ശ്രീജിത്ത്, പ്രകാശ്, ഷൈബു എന്നിവരടങ്ങിയ സംഘമാണ് അറസ്റ്റ് ചെയ്തത്. ഇയാളെ റിമാൻഡ് ചെയ്തു.