പെരുന്നയിൽ മരം കടപുഴകി വീണ് അപകടം ; റോഡരികിൽ നിർത്തിയിട്ടിരുന്ന കാർ പൂർണമായും തകർന്നു

ചങ്ങനാശേരി : പെരുന്നയിൽ മരം കടപുഴകി വീണ് അപകടം. റോഡരികിൽ നിർത്തിയിട്ടിരുന്ന കാർ പൂർണമായും തകർന്നു.

ചങ്ങനാശേരി പെരുന്ന വില്ലേജ് ഓഫിസിനു മുൻപിലുണ്ടായിരുന്ന കൂറ്റൻ പുളിമരമാണ് ശക്തമായ കാറ്റിനെ തുടർന്ന് കടപുഴകി വീണത്.ഇന്ന് 2 മണിയോടെയാണ് സംഭവം.

റോഡരികിൽ പാർക്ക് ചെയ്തിരുന്ന കാറിനു മുകളിലക്കോണ് മരം വീണത്. റോഡരികിലെ വൈദ്യുതി പോസ്റ്റും തകർത്തുകൊണ്ടാണ് മരം കാറിനു മുകളിലേക്ക് വീണത്.

ഇതോടെ പോസ്റ്റും, ലൈൻ കമ്പികളും അടക്കം കാറിന് മുകളിലേക്ക് പതിച്ചു. കാറിനുള്ളിൽ ഈ സമയം യാത്രക്കാരില്ലാതിരുന്നതിനാൽ വലിയ ദുരന്തം ഒഴിവായി.

മരത്തിൻ്റെ ശിഖരങ്ങൾ റോഡിലേക്ക് വീണതിനാൽ ഗതാഗത തടസമുണ്ടായി. അഗ്നിരക്ഷാസേന എത്തി മരം മുറിച്ചു മാറ്റിയാണ് ഗതാഗതം പുനസ്ഥാപിച്ചത്.