ആമിർ ഖാന്‍റെ ലാൽ സിംഗ് ഛദ്ദ ഈ വർഷത്തെ ഏറ്റവും ആകാംക്ഷയോടെ കാത്തിരിക്കുന്ന ഹിന്ദി ചിത്രങ്ങളിൽ ഒന്നാണ്. വരാനിരിക്കുന്ന ചിത്രത്തിന്‍റെ പുതിയ പ്രമോ പുറത്തിറങ്ങി. നേരത്തെ ആമിർ ഖാൻ ഒരു പോഡ്കാസ്റ്റ് പങ്കുവച്ചിരുന്നു, അതിൽ ചിത്രത്തിന്‍റെ സംഗീത നിർമ്മാണത്തെക്കുറിച്ച് ചർച്ച ചെയ്തിരുന്നു.
പ്രീതം സംഗീതം നൽകിയ ചിത്രത്തിന്‍റെ ഏതാനും ട്രാക്കുകൾ ഇതിനകം പുറത്തിറങ്ങിയിട്ടുണ്ടെങ്കിലും ചിത്രത്തിന്‍റെ ദൃശ്യങ്ങളൊന്നും പ്രേക്ഷകർ ഇതുവരെ കണ്ടിട്ടില്ല. കരീന കപൂർ ഖാൻ അഭിനയിക്കുന്ന ലാൽ സിംഗ് ഛദ്ദ, ടോം ഹാങ്ക്സിന്‍റെ ഫോറസ്റ്റ് ഗമ്പിന്‍റെ ഹിന്ദി പതിപ്പാണ്. ലോസ് ഏഞ്ചൽസ് ആസ്ഥാനമായുള്ള നിർമ്മാതാവും സംവിധായികയുമായ രാധിക ചൗധരിയുടെ സഹായത്തോടെ ആമിർ ഖാൻ 2018 ന്‍റെ തുടക്കത്തിൽ ചിത്രത്തിന്‍റെ അവകാശങ്ങൾ വാങ്ങുകയും 2019 മാർച്ച് 14 ന് പ്രഖ്യാപിക്കുകയും ചെയ്തു. ലാൽ സിംഗ് ഛദ്ദ 100 ലധികം ഇന്ത്യൻ ലൊക്കേഷനുകളിലാണ് ചിത്രീകരിച്ചിരിക്കുന്നത്.
