ആശ്വാസവാർത്ത ; 36 മണിക്കൂർ നീണ്ട തിരച്ചിലിന് ഒടുവിൽ കാണാതായ 13കാരിയെ കണ്ടെത്തി ; കുട്ടിയെ കണ്ടെത്തിയത് താമ്പ്രം എക്സ്പ്രസിലെ മലയാളികൾ

സ്വന്തം ലേഖകൻ

തിരുവനന്തപുരം : കഴക്കൂട്ടത്ത് നിന്ന് കാണാതായ അസം സ്വദേശിനിയായ പതിമൂന്നുകാരി തസ്മിത്ത് തംസിനെ കണ്ടെത്തി.

താമ്പ്രം എക്സ്പ്രസിൽ നിന്നാണ് കുട്ടിയെ കണ്ടെത്തിയത്. 36 മണിക്കൂർ തിരച്ചിലിന് ശേഷമാണ് കുട്ടിയെ കണ്ടെത്താനായത്. ​പരമ്പൂറിൽ നിന്നും ​ഗുവാഹത്തിയിലേക്ക് പുറപ്പെട്ട ട്രയിൽ കേന്ദ്രീകരിച്ച് നടത്തിയ പരിശോധനയിലാണ് കുട്ടിയെ കണ്ടെത്തിയത്.

ജനറൽ കമ്പാർട്ട്മെന്റിലുണ്ടായിരുന്ന കുട്ടിയെ മലയാളികളാണ് കണ്ടെത്തിയത്. കുട്ടിയെ വിശാഖപട്ടണത്ത് ഇറക്കി. തസ്മിത്ത് തംസിനെ ആർപിഎഫിന് കൈമാറിയതായാണ് വിവരം.