കോട്ടയം: പെൺകുട്ടിയെ തട്ടിക്കൊണ്ടുപോയ സുഹൃത്തിന് ഒളിച്ചു താമസിക്കാൻ സൗകര്യം നൽകിയ കേസിൽ കോട്ടയം തിർവാർപ്പ് പഞ്ചായത്തിലെ സ്വതന്ത്ര സ്ഥാനാർത്ഥിയെ വെസ്റ്റ് പോലീസ് അറസ്റ്റ് ചെയ്തു.
തിരുവാർപ്പ് പഞ്ചായത്ത് 6-ാം വാർഡിലെ സ്വതന്ത്ര സ്ഥാനാർത്ഥി രാഹുൽ ആണ് അറസ്റ്റിലായത്. ഇന്നുച്ചയ്ക്ക് അറസ്റ്റിലായ രാഹുലിനെ വൈകുന്നേരത്തോടെ കോടതിയിൽ ഹാജരാക്കും.
2020 ലാണ് രാഹുലിന്റെ സുഹൃത്ത് പെൺകുട്ടിയെ തട്ടിക്കൊണ്ടുപോയത്. ഇതു സംബന്ധിച്ച കേസ് സെഷൻസ് കോടതിയിൽ നടന്നുവരികയാണ്. എന്നാൽ കേസിൽ പ്രതിയായ രാഹുൽ വയനാട്ടിൽ ഒളിവിൽ കഴിയുകയായിരുന്നു ഇത്രയും നാൾ.
Whatsapp Group 1 | Whatsapp Group 2 |Telegram Group
തെരഞ്ഞെടുപ്പ് പ്രഖ്യാപിച്ചതോടെ നാട്ടിലെത്തി സ്വതന്ത്ര സ്ഥാനാർത്ഥിയായി നോമിനേഷൻ കൊടുത്തു. എൽപി വാറന്റുണ്ടായിരുന്നതിനാൽ ഈ കേസിൽ പോലീസ് നിരീക്ഷണം ഉണ്ടായിരുന്നു. രാഹുൽ നാട്ടിൽ എത്തി നോമിനേഷൻ കൊടുത്ത വിവരമറിഞ്ഞ പോലീസ് കസ്റ്റഡിയിലെടുത്ത് അറസ്റ്റ് രേഖപ്പെടുത്തുകയായിരുന്നു.
വെസ്റ്റ് എസ്എച്ച്ഒ എം ജെ അരുണിന്റെ നേതൃത്വത്തിലുള്ള സംഘമാണ് രാഹുലിനെ അറസ്റ്റ് ചെയ്തത്
