കോട്ടയം : കവർച്ചയ്ക്ക് പിന്നിൽ ഉത്തരേന്ത്യൻ സംഘമെന്ന് സംശയം, പുതുപ്പള്ളി തലപ്പാടിയിലെ റബ്ബർ ബോർഡിൻ്റെ ആളില്ലാത്ത ക്വാർട്ടേർസില് നടന്ന മോഷണത്തില് രണ്ട് ക്വാർട്ടേർസുകളില് നിന്നായി നഷ്ടപ്പെട്ടത് 73 പവൻ സ്വർണം.
വിപണി വില അനുസരിച്ച് ഏതാണ്ട് 80 ലക്ഷം രൂപയോളം വിലമതിക്കുന്നതാണ് ഈ സ്വർണാഭരണങ്ങള്. കവർച്ചയ്ക്ക് പിന്നില് ഉത്തരേന്ത്യൻ സംഘമെന്നാണ് പൊലീസിൻ്റെ പ്രാഥമിക നിഗമനം. എന്നാല് മോഷ്ടാക്കള് ധരിച്ചെന്ന് കരുതുന്ന കൈയ്യുറ മാത്രമാണ് ഇവിടെ നിന്ന് ലഭിച്ച ഏക തുമ്പ്. പ്രദേശത്ത് സിസിടിവി ഇല്ലെന്നതും വെല്ലുവിളി സൃഷ്ടിക്കുന്നു.
ആളില്ലാത്ത ക്വാർട്ടേഴ്സുകള് ലക്ഷ്യമാക്കി ആസൂത്രണം ചെയ്ത് നടപ്പാക്കിയ മോഷണമെന്നാണ് പൊലീസ് കരുതുന്നത്. അന്വേഷണത്തിന് പ്രത്യേക സംഘത്തെ നിയോഗിച്ചിട്ടുണ്ട്. സംഭവം നടക്കുമ്പോള് രണ്ട് ക്വാർട്ടേഴ്സുകളിലും ആരും ഉണ്ടായിരുന്നില്ല. പൊലീസും ഡോഗ് സ്ക്വാഡും ചേർന്ന് സ്ഥലത്ത് പരിശോധന നടത്തി.
Whatsapp Group 1 | Whatsapp Group 2 |Telegram Group