മോഷ്ടിക്കാനെത്തിയ കള്ളൻ കാണിക്ക വഞ്ചിയുമായി കടക്കുന്നതിനിടെ സി.സി.ടി.വിയിൽ പതിഞ്ഞത് ദേവിയുടെ ‘വരത്ത് പോക്ക്’ ..! വൈറലായി കള്ളനും ദേവിയും: വരത്ത് പോക്കിന് തെറിയഭിഷേകം ബാക്കി: വീഡിയോ ഇവിടെ കാണാം

തേർഡ് ഐ ബ്യൂറോ

കൊല്ലം: മോഷ്ടിക്കാനെത്തിയ കള്ളൻ ക്ഷേത്രത്തിലെ കാണിക്കവഞ്ചിയുമായി കടക്കുന്നതിനിടെ ക്യാമറയിൽ പതിഞ്ഞത് ദേവിയുടെ വരത്ത് പോക്ക്…! കള്ളൻ കാണിക്ക വഞ്ചിയുമായി ഒരു വശത്ത് കൂടി കടക്കുമ്പോഴാണ് എതിർ വശത്ത് വരത്ത് പോക്ക് കണ്ടത്.

L

സംഭവം സോഷ്യൽ മീഡിയയിൽ വൈറലാകുകയും ചെയ്തു. എന്നാൽ , സി.സി.ടി.വി ക്യാമറാ ദൃശ്യങ്ങൾ മൊബൈലിൽ പകർത്തുന്നതിനിടെ നടന്ന് പോയ ആളുടെ നിഴലാണ് ദേവിയുടെ വരത്ത് പോക്കായി തെളിഞ്ഞതെന്ന് സോഷ്യൽ മീഡിയ കണ്ടെത്തുകയും ചെയ്തു.

കഴിഞ്ഞ ദിവസം കൊല്ലം മരത്തടി ക്ഷേത്രത്തിൽ നടന്ന മോഷണത്തിൻ്റെ സി.സി.ടി.വി ദൃശ്യങ്ങളാണ് വരത്ത് പോക്കിൻ്റെ പേരിൽ വൈറലാകുന്നത്. ക്ഷേത്രത്തിൽ കയറിയ മോഷ്ടാവ് കാണിക്ക വഞ്ചിയുമായി ഓടുന്നത് കാണാം.

ഇതിനിടെ ഒരു ഭാഗത്ത് നിഴൽ പതിഞ്ഞതാണ് ഇപ്പോൾ വരത്ത് പോക്കായി കാണുന്നത്.

തൻ്റെ പേജിൻ്റെ ലൈക്ക് കൂട്ടാൻ ആരോ വരത്ത് പോക്കെന്ന കമൻ്റോടെ വീഡിയോ ഫെയ്സ് ബുക്കിലിട്ടു. സൈബർ സംഘം കമൻ്റ് ആക്രമണത്തോടെ ഇവിടെ കൂടുകയും ചെയ്തു. ഇതോടെ സംഗതി വൈറലായി മാറി.