അധികൃതര്‍ അപേക്ഷ തള്ളിയിട്ടും ഉത്സവത്തിനു ആനയെ എഴുന്നള്ളിച്ചു; ക്ഷേത്ര ഭാരവാഹികള്‍ക്കെതിരേയും ഉടമക്കെതിരേയും കേസെടുത്തു; നേരിടുമെന്ന് ക്ഷേത്ര കമ്മറ്റി

കോഴിക്കോട്: അധികൃതരുടെ അനുമതി ഇല്ലാതെ ഉത്സവത്തിനു ആനയെ എഴുന്നള്ളിച്ചതിന് കേസ് എടുത്തു.

Link

Embed

Copy and paste this HTML code into your webpage to embed.

കോഴിക്കോട് ബാലുശ്ശേരി പൊന്നാരം തെരു ശ്രീ മഹാഗണപതി ക്ഷേത്ര ഭാരവാഹികള്‍ക്കെതിരെയാണ് വനം വകുപ്പ് കേസ് എടുത്തിരിക്കുന്നത്.
ആനയുടമക്ക് എതിരെയും കേസെടുത്തിട്ടുണ്ട്.

നാട്ടാന പരിപാലന ചട്ടവും, വന്യജീവി സംരക്ഷണ നിയമവും അനുസരിച്ചാണ് കേസ്. ആനയെ എഴുന്നള്ളിക്കാൻ നല്‍കിയ അപേക്ഷ അധികൃതർ തള്ളിയിരുന്നു.

തുടർന്ന് ഉത്സവത്തിന് ആനയെ എഴുന്നള്ളിക്കുകയായിരുന്നു. അതേസമയം, കേസിനെ നിയമപരമായി നേരിടുമെന്ന് ക്ഷേത്ര കമ്മറ്റി പ്രതികരിച്ചു. ആചാരം ലംഘിക്കാൻ കഴിയാത്തതിനാലാണ് ഒരു ആനയെ ഉപയോഗിച്ച്‌ എഴുന്നള്ളത് നടത്തിയതെന്നും ക്ഷേത്ര ഭാരവാഹികള്‍ ന്യായികരിക്കുന്നു.