2019ൽ പുറത്തിറങ്ങിയ ലൂസിഫറിന്‍റെ രണ്ടാം ഭാഗമായി മുരളി ഗോപിയുടെ തിരക്കഥയിൽ പൃഥ്വിരാജ് സുകുമാരൻ സംവിധാനം ചെയ്ത മോഹൻലാൽ ചിത്രമായ എമ്പുരാൻ സിനിമയുടെ വ്യാജ പതിപ്പ് പുറത്തുവിട്ടെന്ന് റിപ്പോർട്ട്.
വ്യാഴാഴ്ച രാവിലെ ആറിനാണ് ചിത്രത്തിന്‍റെ ആദ്യപ്രദര്‍ശനം നടന്നത്. കേരളത്തില്‍ മാത്രം 746 സ്ക്രീനുകളിലായി നാലായിരത്തി അഞ്ഞൂറിലധികം ഷോകളുണ്ടായിരുന്നു.എമ്പുരാൻ ആദ്യ ദിനം 50 കോടി ക്ലബിലെത്തിയിരുന്നു.ആദ്യം വീക്കെൻഡിലെ ഗ്ലോബൽ കലക്‌ഷൻ 80 കോടി കടക്കുമെന്നാണ് റിപ്പോർട്ട്…. ആദ്യമായാണ് ഒരു മലയാള ചിത്രം ഈ നേട്ടം കൈവരിക്കുന്നത്.സംവിധായകന്‍ പൃഥ്വിരാജ് കഴിഞ്ഞദിവസം പോസ്റ്റ് പങ്കുവച്ചിരുന്നു.ഫില്മിസില്ല, മൂവിറൂള്‍സ്, തമിഴ്‌റോക്കേഴ്‌സ് എന്നീ വെബ്‌സൈറ്റുകളിലും ടെലിഗ്രാം ആപ്പിലും വ്യാജപതിപ്പ് പ്രചരിക്കുന്നു എന്നാണ് വിവരം.
