നല്ല പല്ല് സൗന്ദര്യത്തിൻ്റെ പ്രധാനപ്പെട്ട ലക്ഷണങ്ങളില്‍ ഒന്നു തന്നെയാണ്. നല്ല ചിരി നല്ല സൗന്ദര്യത്തിൻ്റെ ഭാഗമാണ്.പല്ല് നന്നല്ലെങ്കില്‍ ചിരിക്കാൻപോലും അപകർഷതാ ബോധമുണ്ടാകുന്നത് സാധാരണയാണ്. ചുരുക്കിപ്പറഞ്ഞാല്‍ നല്ല പല്ല് അല്ലെങ്കില്‍ നമ്മുടെ ചിരി പോലും നില്‍ക്കും എന്ന് ചുരുക്കം. പല്ലിൻ്റെ കാര്യത്തില്‍ നാം അധികം ശ്രദ്ധ നല്‍കാത്തതാണ് വാസ്തവം. പല്ലിന് വേദന വന്നാല്‍ മാത്രമാണ് പലരും ഇതിനെക്കുറിച്ച്‌ ശ്രദ്ധിയ്ക്കാറ്. എന്നാല്‍ ഇത് പലപ്പോഴും പല്ലുകളെ കൂടുതല്‍ കേടു വരുത്തും. മോണകള്‍ക്ക് പ്രശ്‌നമുണ്ടാക്കും. മോണയിലുണ്ടാകുന്ന അണുബാധകള്‍ രക്തത്തിലേക്ക് ഇറങ്ങി ഹൃദയപ്രശ്നങ്ങള്‍ വരെ വരാൻ ഇടയാക്കുന്നതാണ് വാസ്തവം.
പല്ലില്‍ കേടുണ്ടാകുന്നതിന് പുറമേ പല്ലില്‍ അടിഞ്ഞു കൂടുതന്ന പ്ലാക്ക് എന്ന അഴുക്ക് ഭാവിയില്‍ പല്ലിന് കേടുണ്ടാക്കാനുള്ള സാധ്യത ഏറെയാണ്. പല്ലില്‍ വൃത്തിയില്ലായ്മ കാരണവും മറ്റും മോണയോട് ചേര്‍ന്ന ഭാഗത്തായി അടിഞ്ഞു കൂടുന്ന അഴുക്കാണ് ഇത്. ഇത് അടിഞ്ഞു കൂടി പിന്നീട് പല്ല് കേടു വരാന്‍ ഇടയാക്കുന്നു. പ്ലാക്കിന്റെ കാര്യം ആരും കാര്യമായി ശ്രദ്ധിയ്ക്കാറില്ല. ഇത് നീക്കാതെ കൂടുതലായി അടിഞ്ഞ് കൂടി പല്ല് കേടു വരുത്തുന്നു. പല്ലില്‍ ഇത്തരം പ്ലാക്ക് അടിഞ്ഞു കൂടാതിരിയ്ക്കാന്‍ നാം ശ്രദ്ധിയ്‌ക്കേണ്ട പല കാര്യങ്ങളുമുണ്ട് ഇതെക്കുറിച്ചറിയാം.
ഇതിനുളള പ്രധാന വഴി പല്ല് ബ്രഷ് ചെയ്യുകയെന്നത് തന്നെയാണ്. രണ്ടുനേരം പല്ല് തേക്കണം. ശരിക്കുള്ള പഠനങ്ങള്‍ പറയുന്നത് നാം 2 മിനിററ് പല്ല് തേയ്ക്കണം എന്നാണ്. എന്നാല്‍ ഒരാള്‍ ശരാശരി പല്ല് തേയ്ക്കുന്നത് 45 സെക്കന്റ് മാത്രമാണ്. പല്ല് എല്ലാ കോണുകളില്‍ നിന്നും തേയ്ക്കണം. എല്ലായിടത്തും ബ്രഷ് എത്തണം. പലരും മുന്‍ഭാഗം വൃത്തിയായി തേച്ച്‌ ബ്രഷ് എത്താന്‍ ബുദ്ധിമുട്ടുള്ള അണപ്പല്ല് പോലുള്ള ഭാഗങ്ങളില്‍ കാര്യമായ ശ്രദ്ധ വയ്ക്കാറില്ല. ഇത് ഈ ഭാഗത്ത് പ്ലാക്ക് അടിഞ്ഞ് കൂടാനും പല്ല് കേടാകാനും ഇടയാക്കും.
Whatsapp Group 1 | Whatsapp Group 2 |Telegram Group
സാധാരണ ബ്രഷിനേക്കാള്‍ ഇലക്‌ട്രിക് ബ്രഷ് പല്ലിന്റെ എല്ലാ ഭാഗത്തും എത്താന്‍ സഹായിക്കുന്ന ഒന്നാണ്. ഇതുപോലെ ഡെന്റര്‍ ഫ്‌ളോസ് ഉപയോഗിച്ച്‌ പല്ലിന്റെ ഇടഭാഗം ക്ലീന്‍ ചെയ്യുന്നത് നല്ലതാണ്. ഇത് ഭക്ഷണം കഴിഞ്ഞാല്‍ ചെയ്യുക. ഇതുപോലെ വായ്ക്കകത്ത് ഭക്ഷണ അവശിഷ്ടമുണ്ടാകും. ഇത് പൂര്‍ണമായും നീക്കുകയെന്നത് പ്രധാനമാണ്. നല്ലതുപോലെ വെളളമൊഴിച്ച്‌ കഴുകുക. പല്ലിലെ ഭക്ഷണാവശിഷ്ടം പൂര്‍ണമായും നീക്കിയെന്ന് ഉറപ്പു വരുത്തുക. അതുപോലെ നാം ഉപയോഗിയ്ക്കുന്ന ടൂത്ത്ബ്രഷ് 2, 3 മാസം കൂടുമ്ബോഴെങ്കിലും മാറ്റുക. നാം ഓരോ തവണയും ഭക്ഷണം കഴിച്ച്‌ വായ കഴുകിയാലും ചിലപ്പോള്‍ ഭക്ഷണാവശിഷ്ടം പല്ലുകള്‍ക്കിടയില്‍ ഇരിയ്ക്കാന്‍ സാധ്യതയേറെയാണ്. ഇതിന് പരിഹാരം ബ്രഷ് ചെയ്യുകയെന്നതാണ്. എല്ലായ്‌പ്പോഴും പേസ്‌റ്റെടുക്കേണ്ടതില്ല. നാം എന്തെങ്കിലും കുടിച്ചാലോ മിഠായി പോലുള്ളവ കഴിച്ചാലോ തന്നെ നല്ലതുപോലെ വായ കഴുകണം. ഇതല്ലെങ്കില്‍ കാലക്രമേണ പല്ലുകള്‍ കേടാകാന്‍ സാധ്യതയേറെയാണ്.
പല്ലില്‍ പ്ലാക് അടിഞ്ഞ് കൂടിയാല്‍ ഇത് നീക്കാനുള്ള ഒരു സൊല്യൂഷന്‍ നമുക്ക് വീട്ടില്‍ തന്നെ തയ്യാറാക്കാന്‍ സാധിയ്ക്കും. ഇത് 9 ടീസ്പൂണ് കറ്റാർ വാഴ ജെല്‍, 4 ടീസ്പൂണ് ഗ്ലിസറിന്, 4-5 ഡ്രോപ്‌സ് നാരങ്ങാനീർ, 3,4 ടീസ്പൂണ് ബേക്കിംഗ് സോഡ എന്നിവ നല്ലതുപോലെ കലക്കി ഇത് വായില്‍ ഒഴിച്ച്‌ കുലുക്കൊഴിഞ്ഞ് അല്‍പനേരം കഴിയുമ്ബോള്‍ തുപ്പിക്കളയാം. ഇത് വായിലെ പ്ലാക്ക് നീക്കാനും അഴുക്കുകള്‍നും നീക്കാനും ഏറെ നല്ലതാണ്. ഇത് ഇടയ്ക്കിടെ ചെയ്യുന്നത് നല്ലതാണ്. ഇതുപോലെ ധാരാളം വെള്ളം കുടിക്കുന്നത് ഏറെ നല്ലതാണ്. ഫ്ളൂറൈഡ് ടൂത്ത് പേസ്റ്റ് ഉപയോഗിക്കുന്നത് നല്ലതാണ്.
