രാജ്യത്ത് ആദ്യമായി: ഒരു അധ്യയന വർഷത്തിൽ ഒരുകോടിയിലേറെ സ്കൂൾ അധ്യാപകർ; റിപ്പോർട്ട് പുറത്തുവിട്ട് കേന്ദ്ര വിദ്യാഭ്യാസ മന്ത്രാലയം

ന്യൂഡൽഹി: രാജ്യത്ത് ആദ്യമായി ഒരു അധ്യയന വർഷത്തിൽ സ്കൂൾ അധ്യാപകരുടെ എണ്ണം ഒരു കോടി പിന്നിട്ടു. 2024-25 അധ്യയന വർഷത്തിൽ രാജ്യത്താകെ ഒരുകോടിയിലധികം അധ്യാപകർ പ്രവർത്തിക്കുന്നതായി കേന്ദ്ര വിദ്യാഭ്യാസ മന്ത്രാലയം പുറത്തിറക്കിയ റിപ്പോർട്ട് വ്യക്തമാക്കുന്നു.

അധ്യാപക-വിദ്യാർഥി അനുപാതം മെച്ചപ്പെടുന്നതിൻ്റെ സൂചനയാണിതെന്നും 2022- 2023 അധ്യയനവർഷം മുതൽ അധ്യാപകരുടെ എണ്ണം വർധിക്കുകയാണെന്നും റിപ്പോർട്ടിൽ ചൂണ്ടിക്കാട്ടുന്നു.

രാജ്യത്തെ സ്കൂൾ വിദ്യാഭ്യാസവിവരങ്ങൾ സൂക്ഷിക്കാനുള്ള യൂണിഫൈഡ് ഡിസ്ട്രിക് ഇൻഫർമേഷൻ സിസ്റ്റം ഫോർ എജുക്കേഷൻ (യുഡിഐഎസ്ഇ) പ്ലസിലെ കണക്കുകൾ അടിസ്ഥാനമാക്കിയാണ് റിപ്പോർട്ട്.